Bu barədə "The Jerusalem Post"da yazılıb.

Eurovision Mahnı Müsabiqəsi rəsmi olaraq Avropa musiqi yarışmasıdır, lakin Avropanın coğrafi sərhədlərindən kənarda olan ölkələrin iştirakını əhatə edir. Onların arasında uzun müddətdir daimi iştirakçısı olan İsrail, Avstraliya və Azərbaycan da var.

Son yarışmanın maraqlı tərəflərindən biri o idi ki, 3 ölkənin, Azərbaycan, İsrail və Lüksenburqun təmsilçisi Yəhudi əsilli idi. Azərbaycan və İsraillə bağlı diqqət çəkən məqam odur ki, Azərbaycanı Yəhudi əsilli sənətçi təmsil etməklə yanaşı İsrail də tarışmaya Azərbaycan yəhudilərindən olan Yuval Rafaeli göndərmişdi.

Xatırladaq ki, yarışadan sonra İsrailin müdafiə naziri İsrael Katz Azərbaycana verdiyi dəstəyə və yüksək nəticəyə görə azərbaycanlı həmkarı general Zakir Həsənova açıq şəkildə təşəkkür edib. Katzin sözlərinə görə, Azərbaycanın hərəkətləri – oktyabrın 7-dən sonra İsraili dəstəkləməsi, İsraillə Türkiyə arasında vasitəçilik etməsi və “Eurovision”da İsrailə 12 xal qazandırması “iki ölkə arasında həqiqi və səmimi dostluğun sübutudur”.

İSRAİLİN YAXIN DOSTU - AZƏRBAYCAN

İsrail və Azərbaycan iyirmi ildən artıqdır ki, güclü ikitərəfli əlaqələrə malikdir. İki ölkə nəinki yaxşı münasibətdədir, həm də İsrail Azərbaycanın (Türkiyədən başqa) ən yaxın müttəfiqi hesab olunur və onlar bir neçə sektorda möhkəm əməkdaşlıq edirlər. Məsələn, İsrail son illərdə, o cümlədən İkinci Qarabağ müharibəsinin ağır günlərində Azərbaycanın ən böyük silah tədarükçüsü olub.

Digər tərəfdən, əhalisinin çoxu dini inanc olaraq şiə müsəlmanolsa da, Azərbaycan HƏMAS-ın 7 oktyabr hücumundan sonra İsrailə sarsılmaz dəstək nümayiş etdirib.

Bu yaxınlarda Azərbaycanın enerji şirkəti SOCAR-a İsrailin iqtisadi sularında təbii qazın kəşfiyyatı üçün lisenziya verilməsi ilə iki ölkə arasında enerji tərəfdaşlığı daha da dərinləşib.

ORTAQ DÜŞMƏN - İRAN

Yuxarıda qeyd edildiyi kimi, iki ölkə müdafiə sahəsində də geniş əməkdaşlıq edir. Bu əməkdaşlıq boş  yerə yox, ortaq strateji ehtiyacdan yaranmışdır. Həm İsrail, həm də Azərbaycan ortaq düşmənlə üz-üzədir. Azərbaycanın güney sərhədlərində yer alan və İsraili yer üzündən silməyə söz vermiş İran təhlükəsi ilə.

Yarışmada Azərbaycanın Yəhudi əsilli sənətçi, İsrailin isə Azərbaycan köklərinə sahib ifaçı tərəfindən təmsil edilməsi İranda bəzi qrupları ciddi narahat edib. Onlar bunu İsrail və Azərbaycan arasında əlaqələrin dərinləşməsinə sübut kimi qiymətləndiriblər.

"Fars News" agentliyi Azərbaycan və Türkiyə xalqlarının qardaşlığını ifadə edən "iki dövlət, bir millət" şüarını manupulyasiya edərək İsrail ilə Azərbaycan münasibətlərini "iki xalq, bir dövlət" şəklində şərh edərək Azərbaycanın suverenliyini şübhə altına almış və təhqir etmişdir. Bu xəbərlər "Fars News" agentliyinin adı altında yayılsa da əslində İran rejiminin rəsmi mövqeyindən başqa bir şey deyil.

- Cəfər Cəfərli