Contact Us

SON XƏBƏRLƏR

AZAL təyyarəsinin vurulması - Rusiya Azərbaycandan nə istəyir?

2025.06.11, 11:11
AZAL təyyarəsinin vurulması - Rusiya Azərbaycandan nə istəyir?

Rusiya Azərbaycanın Krımı və Ukraynanın işğal edilmiş digər ərazilərini Rusiya ərazisi kimi tanımasına ümid edir

Gunaz.tv

“RİA Novosti”nin “Rusiya Azərbaycanın Krımı və yeni regionları (Ukraynanın işğal edilmiş digər ərazilərini) tanımasına ümid edir” xəbəri ilə Moskva nəhayət Bakıdan nə istədiyini elan etdi. Mümkündür ki, bu istək kulis diplomatiyasında daha öncədən dilə gətirilib və AZAL təyyarəsinin vurulmasından sonra Bakı-Moskva xəttində yaranmış narazılığın davam etməsindəki motivlərindən biri də bu ola bilər. Bakıdan müsbət cavab ala bilməyən Kreml isə həm Medinskinin “Qarabağı mübahisəli” ərazi adlandırması, həm də Krım istəyini ictimaiyyətləşdirməklə mesaj verir”.

Günaz TV-nin Global.info-ya istinadən xəbərinə görə, bu sözləri politoloq Asif Nərimanlı deyib.

“Rusiya başqa ölkədən yox, niyə məhz Azərbaycandan bunu açıq şəkildə istəyir? İstisna deyil ki, Moskva Bakının tələblərini – mövcud situasiyada bunun AZAL-ın vurulan təyyarəsi ilə bağlı olmasından başqa versiya görünmür – yerinə yetirmək üçün şərt kimi Krım istəyini irəli sürür, Bakıda qəbul edilməyəcəyini bildikləri halda. Və bununla tələblərdən yayınmaq gedişi edir.

Azərbaycanın Rusiyanın bu istəyini qəbul etməyəcəyi bəllidir. Bu, yalnız o halda müzakirə edilə bilər ki, Ukrayna Krımı və digər işğal edilmiş əraziləri Rusiya ərazisi kimi tanısın və beynəlxalq hüquqda qəbul olunsun. Perspektivdə bu ssenarinin mümkünlüyü görünmür. Bu halda Moskvanın Bakıya qarşı təxribat xarakterli müxtəlif açıqlamaları/addımları gözləniləndir”, – politoloq vurğulayıb.

 

C

Açar Sözlər :

SEÇİLMİŞ XƏBƏRLƏR

Çox oxunanlar