Contact Us

SON XƏBƏRLƏR

Rejim Şah İsmayıldan öz təbliğatı üçün istifadə edir

2025.09.27, 11:07
Rejim Şah İsmayıldan öz təbliğatı üçün istifadə edir

Son illər İranda türk xalqlarının birbaşa assimilyasiya siyasətinin uğursuz olmasından məyus olan İranı idarə edən İranşəhri hərəkatı Quzey və Güney Azərbaycan, eləcə də Azərbaycan və Türkiyə arasında nifaq salmaq cəhdini dövlət proqramlarında və mərasimlərində ardıcıl yanaşmaya çevirib.

Gunaz.tv

Belə ki, Təbrizdə Şah İsmayıl Səfəvi haqqında tamaşanın təqdimat mərasimində tarix professoru kimi təqdim edilən Cavad Əbdülhəsəni adlı şəxs bölücü fikirlər səsləndirib.

Bu şəxs tarixi hadisələri dövrün əsl kontekstində deyil, ideoloji qiraət və İran-fars millətçiliyi ilə təhrif və əlavə etməklə nəql etmiş, Şah İsmayılın tarixi şəxsiyyətindən bəhanə kimi istifadə edərək, Azərbaycan türkləri ilə Türkiyə türkləri arasında nifaq salmağa, onun indiki İran hökuməti ilə uzlaşan baxışlarına uyğun olaraq onu yenidən müəyyən etməyə çalışmışdır.

Çağdaş tarixdə Azərbaycan və Türkiyə arasındakı əməkdaşlıq və həmrəylik tarixi parçalayıcı planlara yer qoymayan qürurlu bir nümunədir.

Bununla yanaşı İran rejiminin bölücü təbliğata böyük vəsaitlər xərcləməsinə baxmayaraq, Güney Azərbaycan türkləri arasında kimlikçilik və milli kimlik dəyərlərinin qorunub saxlanması ideyası günü-gündən yayılmaqdadır.

 

C

Açar Sözlər :

SEÇİLMİŞ XƏBƏRLƏR

Çox oxunanlar