Contact Us

SON XƏBƏRLƏR

Pakistanlı nazir: Azərbaycan Ermənistanı bataqlıqdan çıxarıb

2025.10.07, 11:27
Pakistanlı nazir: Azərbaycan Ermənistanı bataqlıqdan çıxarıb

Sülh sazişinin paraflanması ilə Azərbaycan Ermənistana əl uzadaraq bataqlıqdan çıxartdı.

Gunaz.tv

Günaz TV "Report"a istinadən xəbər verir ki, bunu Pakistanın kütləvi informasiya və kommunikasiya naziri Ataullah Tarar deyib.

Nazir bildirib ki, Ermənistanın Azərbaycana qarşı 30 ildən çox apardığı işğal siyasətində Pakistan hər zaman Azərbaycanın yanında olub və beynəlxalq arenada Azərbaycanın ən güclü dəstəkçisidir:

"Sülh dövründə də, müharibə vaxtı da Pakistan hər zaman Azərbaycanı dəstəkləyib. Mən düşünürəm ki, Azərbaycan və Ermənistan arasında paraflanan sülh sazişi çox böyük bir uğurdur. Bu, Prezident İlham Əliyevin uzaqgörən liderliyinin nəticəsidir. Eyni zamanda, bu sülhü vasitəçilik edərək əldə etdiyinə görə Prezident Donald Trampa da təşəkkür etmək lazımdır. Məncə, bu sülh sayəsində hər iki ölkə daha da inkişaf edəcək, regionda daha çox sabitlik yaranacaq. Pakistan hər zaman və hər şəraitdə Azərbaycanın yanında olub və olacaq.

Artıq dediyim kimi, Prezident Əliyevin uzaqgörən liderliyi nəticəsində həm Qarabağın azad edilməsi, həm də ondan sonra sülh sazişinin paraflanması çox böyük nailiyyətdir. Məncə, bu vəziyyətdə Azərbaycan qarşı tərəfə əl uzadaraq onları bataqlıqdan çıxartmış oldu. Bununla da Azərbaycan, doğrudan da, yeni bir dövrə qədəm qoyub. Prezident İlham Əliyevin BMT Baş Assambleyasının bu ilki iclasında iştirakı da göstərir ki, dünya artıq Azərbaycanı çox ciddi qəbul edir".

 

C

Açar Sözlər :

SEÇİLMİŞ XƏBƏRLƏR

Çox oxunanlar