Kreml Putinin Tacikistanda Azərbaycan lideri ilə görüşünü istisna etmir

SON XƏBƏRLƏR

Kreml Putinin Tacikistanda Azərbaycan lideri ilə görüşünü istisna etmir

2025.10.07, 18:20

Rusiya və Azərbaycan prezidentləri arasında ikitərəfli görüş keçirilə bilər.

Gunaz.tv

Günaz TV APA-ya istinadən xəbər verir ki, bu barədə Rusiya Prezidentinin beynəlxalq məsələlər üzrə köməkçisi Yuri Uşakov bildirib.

O, Putinin Tacikistana üç günlük səfəri zamanı MDB ölkələrinin liderləri ilə ikitərəfli görüşlər keçirəcəyini və Azərbaycan Prezidenti İlham Əliyevlə də görüşün istisna olmadığını qeyd edib.

Uşakov qeyd edib ki, Vladimir Putin oktyabrın 8-10-da Tacikistanda dövlət səfərində olacaq. Düşənbədə o, prezident Emomali Rahmonla görüşəcək və iki sammitdə MDB və Rusiya-Mərkəzi Asiya sammitlərində iştirak edəcək.

"Oktyabrın 9-u günortadan sonra Putin beş Mərkəzi Asiya respublikasının rəhbərləri ilə görüşəcək. Liderlər yekun kommunike və 2025-2027-ci illər üçün iş planı qəbul etməyi planlaşdırır. Növbəti Rusiya-Mərkəzi Asiya sammiti 2027-ci ildə razılaşdırılacaq yerdə keçiriləcək.

MDB sammiti oktyabrın 10-da həm məhdud, həm də genişləndirilmiş formatda keçiriləcək. Dövlət başçıları MDB+ formatının yaradılması və ŞƏT-ə müşahidəçi statusunun verilməsi məsələlərini müzakirə edəcəklər.

Liderlərin MDB baş katibi Sergey Lebedevin mandatının daha üç il müddətinə uzadılmasını təsdiq edəcəyi gözlənilir. Həmçinin 20-yə yaxın sənədin imzalanması planlaşdırılır".

Uşakov qeyd edib ki, Putin sammit çərçivəsində bir sıra ikitərəfli görüşlər keçirəcək və Azərbaycan prezidenti İlham Əliyevlə də görüşə bilər: "Niyə də olmasın?"

O, Rusiya prezidentinin dekabrda həmkarlarını Sankt-Peterburqda keçiriləcək ənənəvi qeyri-rəsmi görüşə dəvət edəcəyini, görüşün tarixini hələ təyin olunmadığını da söyləyib.

Uşakov MDB-nin növbəti sammitinin 2026-cı ildə Aşqabadda keçiriləcəyini də bildirib.

GUNAZ.TV

SON XƏBƏRLƏR