İran nüvə alimini casusluğa görə həbs edib

SON XƏBƏRLƏR

İran nüvə alimini casusluğa görə həbs edib

2025.11.20, 10:49

İran hökuməti nüvə alimi və Atom Enerjisi üzrə Beynəlxalq Agentliyin (AEBA) keçmiş tədqiqatçısı Əmir Rza Cılilianı həbs edib.

Gunaz.tv

Bununla bağlı onun həyat yoldaşı Səidə Varəstə xarici mediaya açıqlamasında məlumat verib.

AEBA-nın baş dirrektoru Rafael Qrossi həbs xəbərini təsdiqləsə də, bu işin ötən ilə aid olduğunu bildirib:

"Bu Beynəlxalq Atom Enerjisi Agentliyinin əməkdaşlarından biri ilə bağlıdır və İranın nüvə proqramı ilə əlaqəsi yoxdur".

O, Əmir Rza Cəlilianın işinin vəkillər tərəfindən araşdırıldığını və onu müdafiə etmək üçün İran cəza qanunlarının öyrənildiyini söyləyib.

Nüvə aliminin həyat yoldaşı Səidə Varəstə, 2024-cü ilin avqust ayında anasını görmək üçün Tehrana səfər etdikdən sonra həbs edilən Cəlilianın "Britaniyaya casusluq" ittihamına görə 10 il azadlıqdan məhrum edildiyini və mühakimə zamanı vəkillə təmin olunmadığını bildirib:

"Cəlilianın ailəsinin onun işinə yenidən baxılması üçün bütün əlaqədar dövlətqurumlarına, yüksək rütbəli rəsmilərə müraciətləri nəticəsiz qalıb və onlar yalnız dözməyi və düa etməyi tövsiyə ediblər".

Qeyd edək ki, Əmir Rza Cəlilian nüvə elmi və texnologiyası sahəsində tanınmış şəxs və Beynəlxalq Atom Enerjisi Agentliyində keçmiş tədqiqatçıdır.

O, 1990-cı ildə Tehran Universitetinin Əczaçılıq fakültəsinə qəbul olub və əczaçılıq üzrə doktorluq dərəcəsi aldıqdan sonra, inkişaf etmiş xərçəng xəstəliklərinin müalicəsində mühüm rol oynayan radiofarmasevtika sahəsində ixtisaslaşmış təhsilini başa vurub.

2013-cü ildə Cəlilian İran Atom Enerjisi Təşkilatının törəmə müəssisəsi olan Nüvə Elmi və Texnologiyaları İnstitutuna qoşulub və müəllim və tədqiqatçı kimi çalışıb.

GünazTV

GUNAZ.TV

SON XƏBƏRLƏR