ABŞ-ın yüksək texnologiyalı esminesi İsrailin Eylat limanında lövbər saldı

SON XƏBƏRLƏR

ABŞ-ın yüksək texnologiyalı esminesi İsrailin Eylat limanında lövbər saldı

2026.01.30, 14:45

Gunaz.tv

İsrail media mənbələri ABŞ Hərbi Dəniz Qüvvələrinə məxsus müasir bir esminesin ölkə sularına daxil olaraq Eylat limanında yerləşdirildiyini bildirib.

Kanal 12 İsrailin məlumatına görə, “USS Jack H. Lucas” (DDG-125) adlı esmines cümə günü ABŞ-ın bölgədə dəniz fəallığını artırması çərçivəsində İsrailin cənubundakı Eylat limanında lövbər salıb.

Bu döyüş gəmisi “Arleigh Burke” sinfinə aiddir və “Flight III” nəslinin ilk nümunəsi hesab olunur. Sözügedən nəsil ABŞ-ın dəniz hava və raketdən müdafiə sistemlərinin əsas sütunu kimi təqdim edilir. “Jack H. Lucas” bu sinif üzrə inşa edilmiş 75-ci esminesdir.

Gəminin əsas üstünlüklərindən biri yüzlərlə hava və raket hədəfini eyni vaxtda izləyə bilən qabaqcıl AN/SPY-6 radarıdır. Esmines, həmçinin 96 şaquli buraxılış hüceyrəsi ilə müxtəlif müdafiə raketləri, “Tomahawk” qanadlı raketləri və sualtı əleyhinə silahları daşıyır.

GünazTV

GUNAZ.TV

SON XƏBƏRLƏR