Contact Us

SON XƏBƏRLƏR

Tramp: İranın raket və hərbi infrastrukturunun böyük hissəsi məhv edilib

2026.03.06, 11:10
Tramp: İranın raket və hərbi infrastrukturunun böyük hissəsi məhv edilib

İran tərəfi Vaşinqtonla razılaşma əldə etmək üçün əlaqə saxlayır, lakin ABŞ hazırda danışıqlardan daha çox hərbi əməliyyatlara üstünlük verir.

Gunaz.tv

Bunu ABŞ prezidenti Donald Tramp bildirib.

“Onlar zəng edib soruşurlar ki, razılaşmanı necə əldə etmək olar? Mən isə cavab verirəm ki, artıq gecikiblər. Hətta hazırda biz onlardan daha çox müharibə istəyirik”, – deyə Tramp bildirib.

ABŞ prezidenti əlavə edib ki, Vaşinqtonun İrana qarşı zərbələri zəruri addım olub və bu əməliyyatlar nəticəsində İranın hərbi infrastrukturu ciddi zərər görüb.

Trampın sözlərinə görə, İranın raketlərinin təxminən 60 faizi, raket buraxılış qurğularının isə 64 faizi məhv edilib.

O həmçinin qeyd edib ki, İran raket buraxan kimi ABŞ qüvvələri təxminən dörd dəqiqə ərzində həmin buraxılış qurğusuna zərbə endirir.

ABŞ prezidenti bildirib ki, ABŞ gələcəkdə İranı idarə edəcək istənilən rəhbərliyin ölkəni ABŞ, İsrail və digər dövlətlər üçün təhlükə mənbəyinə çevirməsinə imkan verməyəcək.

 

C

Açar Sözlər :

SEÇİLMİŞ XƏBƏRLƏR

Çox oxunanlar