Contact Us

SON XƏBƏRLƏR

SEPAH üzvləri Kanadada “vəftiz olunur” (video)

2026.03.14, 22:02
SEPAH üzvləri Kanadada “vəftiz olunur” (video)

SEPAH üzvləri sığınacaq almaq üçün xristianlığı qəbul edərək vəftiz şəhadətnaməsi əldə edirlər və bunun İran üçün casusluq fəaliyyətini gizlətmək üçün örtük ola biləcəyi ehtimal olunur. Bəs Kanada SEPAH üçün gizli sığınacağa çevrilibmi?

Gunaz.tv

Kanadanın Yaşıl Partiyasının lideri Elizabet Mey 9 mart 2026 tarixində ölkə parlamentində çıxışı zamanı bildirib ki, “Kanadada yaşayan bəzi İran İnqilab Keşikçiləri Korpusunun üzvləri öz real kimliklərini gizlətmək üçün Anqlikan kilsəsindən vəftiz şəhadətnaməsi almağa çalışırlar” və bu yolla guya xristianlığı qəbul etdiklərini göstərirlər.

O, Vankuver bölgəsində yaşayan dostlarından və Anqlikan kilsəsinin üzvlərindən aldığı məlumatlara istinad edərək deyib: “Mən ciddi şəkildə narahatam ki, bəzi İran İnqilab Keşikçiləri Korpusunun üzvləri vəftiz şəhadətnaməsi əldə etməklə öz keçmişlərini və real niyyətlərini gizlətməyə çalışırlar.”

Elizabet Mey mövzunun araşdırılması ilə bağlı bir deputatın çağırışını dəstəkləyərək əlavə edib: “Özünü həqiqi qaçqın kimi təqdim edən hər hansı İran İnqilab Keşikçiləri Korpusu üzvünü müəyyən etməliyik.”

Kanadanın Yaşıl Partiyasının liderinin bu açıqlamaları İran İnqilab Keşikçiləri Korpusunun İran xaricində, xüsusilə Qərb ölkələrində gizli fəaliyyətləri ilə bağlı narahatlıqların son illərdə dəfələrlə rəsmilər və media tərəfindən gündəmə gətirildiyi bir vaxtda səsləndirilib.

Bu sözlər Kanada mediası və siyasi dairələrinin diqqətini cəlb edib və İran hərbi strukturlarının üzvlərinin Kanadanın miqrasiya və dini sistemindən sui-istifadə edə biləcəyi ilə bağlı müzakirələrə səbəb olub.

 

GünAzTV
R.G

 

"Mr. Speaker, I addressed this question earlier to the official opposition with some trepidation because it is information I have from friends within the Vancouver area who are also, like me, associated with the Anglican Church and are very concerned that some members of the Iranian national guard may be obtaining a baptismal certificate to hide their real background and intentions in this country. I second the member's call that we absolutely look for any members of the Iranian national guard who are masquerading as real refugees. I want to ask him if he has heard similar concerns."

“Cənab sədr, mən bu məsələni bir qədər tərəddüdlə bundan əvvəl rəsmi müxalifətə ünvanlamışdım. Çünki bu məlumatı Vankuver bölgəsində yaşayan və mənim kimi Anqlikan kilsəsi ilə əlaqəsi olan dostlarımdan almışam. Onlar ciddi şəkildə narahatdırlar ki, İranın İnqilab Keşikçiləri Korpusunun bəzi üzvləri bu ölkədə öz real keçmişlərini və niyyətlərini gizlətmək üçün vəftiz şəhadətnaməsi əldə etməyə çalışa bilərlər.

Mən həmçinin hörmətli üzvün çağırışını dəstəkləyirəm ki, özlərini həqiqi qaçqın kimi təqdim edən İran İnqilab Keşikçiləri Korpusunun mümkün üzvlərini mütləq araşdırmalıyıq. Ondan soruşmaq istəyirəm ki, o da bu mövzuda oxşar narahatlıqlar eşidibmi.”

Açar Sözlər :

SEÇİLMİŞ XƏBƏRLƏR

Çox oxunanlar