Neft 100 dolları keçdi; bazarlarda şok dalğası

SON XƏBƏRLƏR

Neft 100 dolları keçdi; bazarlarda şok dalğası

2026.03.17, 08:36

Gunaz.tv

Gunaz TV-nin məlumatına görə, bölgədə hərbi gərginliyin artması ilə eyni vaxtda dünya bazarlarında neftin qiyməti kəskin şəkildə yüksəlib. Hər bir barel Brent neftinin qiyməti 106 dollar 50 sent, ABŞ xam neftinin qiyməti isə 102 dollar 44 sentə çatıb.

Bu yüksəliş, neftin əsas ixrac yollarında yaranan ciddi pozuntular və hərbi əməliyyatların enerji bazarına birbaşa təsiri ilə əlaqədardır. Xüsusilə körfəz yollarında ixracın məhdudlaşması, təchizatın azalması və qiymətlərin qısa müddətdə 100 dolların üzərinə qalxmasına səbəb olub.

Buna baxmayaraq, qiymətin artmasına rəğmən, İranın iqtisadi vəziyyəti hərbi əməliyyatlar və enerji infrastrukturuna dəyən zərbələr səbəbindən daha da gərginləşib. İxrac imkanlarının azalması və yolların məhdudlaşması, hakimiyyətin yüksək qiymətlərdən faydalanmasına mane olub.

Eyni zamanda, müharibə xərclərinin artması və xarici ticarətdəki pozuntular iqtisadiyyata əlavə yük gətirib. Ərzaq və əsas malların qiymətlərinin kəskin yüksəlməsi, milli valyutanın dəyər itirməsi isə inflyasiyanın daha da artmasına səbəb ola bilər ki, bu da xüsusilə aşağı gəlirli təbəqələr üçün ağır yükdür.

Nəticədə, dünya bazarlarında neftin qiymətinin yüksəlməsi, İranın müharibə şəraitində olması ilə birlikdə, əhalinin gündəlik həyatına ciddi təzyiqlər gətirib.

GünAzTV
R.G

GUNAZ.TV

SON XƏBƏRLƏR