Contact Us

SON XƏBƏRLƏR

ABŞ-dan Sepah qüvvələrinə təcili xəbərdarlıq: mövqeləri tərk edin (video)

2026.03.27, 07:18
ABŞ-dan Sepah qüvvələrinə təcili xəbərdarlıq: mövqeləri tərk edin (video)

Gunaz.tv

Gunaz TV-nin məlumatına görə, ABŞ Mərkəzi Komandanlığının (CENTCOM) rəhbəri admiral Bred Kuper, martın 26-da, Sepahın dəniz qüvvələrinin komandanı Əlirza Təngsirinin İsrailin hava hücumu nəticəsində öldürüldüyünün təsdiqlənməsindən bir neçə saat sonra bu qüvvələrin üzvlərinə dərhal mövqelərini tərk etməyə çağırış edib.

Rəsmi bəyanatda Kuper bildirib ki, Təngsirinin ölümü regionu daha təhlükəsiz edir və o, yüzlərlə gəmiyə qarşı pilotsuz uçuş aparatları və raketlərlə hücum əmrləri verməkdə ittiham olunub ki, bu da çoxsaylı mülki insanların ölümü ilə nəticələnib.

CENTCOM rəhbəri həmçinin vurğulayıb ki, ABŞ-ın Sepahın dəniz qüvvələrinə qarşı hərbi əməliyyatları davam edəcək və bu qüvvədə xidmət edən şəxslərə “əlavə zərər və ya lazımsız ölüm riskindən qaçmaq üçün” dərhal xidmət yerlərini tərk edib evlərinə qayıtmağı tövsiyə edib.

Bu bəyanat Təngsirinin Bəndər-Abbasda hava hücumu nəticəsində öldürüldüyü barədə məlumatların yayılmasından bir neçə saat sonra səsləndirilib.

Məlumatlara görə, son hücumlar zamanı İranın dəniz hərbi potensialının əhəmiyyətli hissəsi zərər görüb və ABŞ ilə İsrailin hərbi təzyiqi getdikcə artır.

 


GünAzTV
R.G
 

Açar Sözlər :

SEÇİLMİŞ XƏBƏRLƏR

Çox oxunanlar