Buşəhr atom stansiyasına dördüncü hücum: Ölən var

SON XƏBƏRLƏR

Buşəhr atom stansiyasına dördüncü hücum: Ölən var

2026.04.04, 17:42

Gunaz.tv

Həssas obyektlərə hücumların davam etdiyi bir vaxtda, Buşəhr atom stansiyası yenidən hədəfə alınıb; bu hadisə son müharibə çərçivəsində bu obyektə qarşı dördüncü hücum kimi qeydə alınıb.

Gunaz TV-nin məlumatına görə, İranın dövlət xəbər agentliyi bildirib ki, şənbə günü 15 fərvərdin səhər saat 8:30 radələrində bir mərmi Buşəhr atom stansiyasının hasarı yaxınlığına düşüb.

İRNA-nın məlumatına görə: «Partlayışın dalğası və qəlpələrin təsiri nəticəsində stansiyanın köməkçi binalarından biri zədələnib və fiziki mühafizə bölməsinin bir əməkdaşı həlak olub.»

Bu dövlət mediası vurğulayıb ki, bu hücum «son müharibə dövründə Buşəhr atom stansiyasına qarşı dördüncü hücum» olub və ilkin araşdırmalar əsas hissələrə ziyan dəymədiyini göstərir.

Eyni zamanda, Beynəlxalq Atom Enerjisi Agentliyi daha əvvəl bu stansiyaya yönəlmiş hücumlarla bağlı xəbərdarlıqlarında bildirmişdi ki, reaktora ziyan vuracaq hər hansı hücum böyük radioloji fəlakətə səbəb ola bilər.

Bu qurumun baş direktoru Rafael Qrossi də tərəfləri bir daha «maksimum hərbi təmkinə» çağırıb.

Bununla yanaşı, Rusiyanın dövlət nüvə şirkəti təhlükəsizlik narahatlıqları səbəbilə Buşəhr stansiyasındakı əməkdaşlarının son mərhələdə təxliyəsinə hazırlaşdığını açıqlayıb.

Bu nüvə obyektinə qarşı hücumların təkrarlanması, əsas hissələrə zərər dəyməsi halında ciddi ekoloji və humanitar fəlakət ehtimalı ilə bağlı narahatlıqları daha da artırır.

GünAzTV
R.G

2026.04.03, 11:11

GUNAZ.TV

SON XƏBƏRLƏR