ABŞ Qasim Süleymaninin qardaşı qızı və nəvəsini həbs edib

SON XƏBƏRLƏR

ABŞ Qasim Süleymaninin qardaşı qızı və nəvəsini həbs edib - YENİLƏNİB

2026.04.04, 19:55

ABŞ öldürülən İran generalı Qasim Süleymaninin qardaşı qızını və nəvəsini həbs edib

Gunaz.tv

Bu barədə ABŞ Dövlət Departamenti məlumat yayıb.

Bəyanatda deyilir: “Dünən gecə İran İnqilab Keşikçiləri Korpusunun mərhum general-mayoru Qasim Süleymaninin qardaşı qızı və nəvəsi dövlət katibi Marko Rubio tərəfindən onların daimi yaşayış statusunun ləğv edilməsindən sonra federal agentlər tərəfindən saxlanılıb.”

Bəyanatda əlavə olunur: “Həm media məlumatlarında, həm də onun öz sosial media paylaşımlarında qeyd olunduğu kimi, Həmidə Süleymani İranda totalitar və terrorçu rejimin açıq tərəfdarıdır.”

Bildirilir ki, onların yaşayış icazəsi ləğv olunmaqla yanaşı, Həmidə Süleymaninin həyat yoldaşının da ABŞ-a girişi qadağan edilib.

“ABŞ-da yaşadığı müddətdə o, İran rejiminin təbliğatını aparıb, Yaxın Şərqdə ABŞ əsgərlərinə və hərbi obyektlərinə qarşı hücumları alqışlayıb,” – deyə bəyanatda vurğulanır.

Administrasiya bildirib ki, “ABŞ ölkənin anti-amerikan terror rejimlərini dəstəkləyən xarici vətəndaşlar üçün sığınacaq olmasına imkan verməyəcək.”

Xatırladaq ki, İranın Qüds Qüvvələrinin komandiri Qasim Süleymani 2020-ci ildə İraqda ABŞ-ın pilotsuz təyyarəsinin hücumu nəticəsində öldürülüb.

Qasim Süleymaninin qardaşı qızı

GUNAZ.TV

SON XƏBƏRLƏR