ABŞ İran ərazisində xüsusi əməliyyat həyata keçirdi

SON XƏBƏRLƏR

ABŞ İran ərazisində xüsusi əməliyyat həyata keçirdi

2026.04.05, 08:45

Gunaz.tv

Son dövrlərin ən mürəkkəb hərbi əməliyyatlarından birində ABŞ xüsusi təyinatlı qüvvələri İran ərazisinin dərinliyindən bir zabiti çıxarıb və iki Amerika hərbi-nəqliyyat təyyarəsi məhv edilib.

Gunaz TV-nin məlumatına görə, New York Times-ın hesabatına əsasən, bu əməliyyat ABŞ-ın F-15 qırıcı təyyarəsinin İranın cənub-qərbində vurulmasından sonra başlayıb. Təyyarənin pilotu tez bir zamanda xilas edilib, lakin silah sistemləri zabiti 24 saatdan çox dağlıq ərazilərdə gizlənərək sağ qalmağa çalışıb.

Nəhayət, 4 aprel gecəsi yüzlərlə xüsusi təyinatlı qüvvənin iştirakı, geniş hava dəstəyi və İran qüvvələri ilə toqquşma fonunda xilasetmə əməliyyatı həyata keçirilib. Zabit uğurla çıxarılaraq Küveytə aparılıb.

Əməliyyat zamanı qüvvələri daşıyan iki hərbi-nəqliyyat təyyarəsi İran daxilində qurulmuş müvəqqəti bazada qumda ilişib qalıb. Bundan sonra ABŞ komandanlığı bu təyyarələri İran qüvvələrinin əlinə keçməməsi üçün məhv etmək qərarı verib.

Məlumata görə, əlavə olaraq göndərilən üç təyyarə ilə bütün ABŞ qüvvələri itkisiz şəkildə ərazidən çıxarılıb.

ABŞ hərbi rəsmilərindən biri bu əməliyyatı «xüsusi təyinatlı qüvvələrin tarixində ən mürəkkəb missiyalardan biri» kimi qiymətləndirib.

GünAzTV
R.G

HFHX1cfWYAAXtJ9?format=jpg&name=small

HFHX1ceWsAAgiqw?format=jpg&name=small

GUNAZ.TV

SON XƏBƏRLƏR