İranın radio mesajı: Hörmüz boğazı “tamamilə bağlandı”

SON XƏBƏRLƏR

İranın radio mesajı: Hörmüz boğazı “tamamilə bağlandı”

2026.04.18, 22:42

Gunaz.tv

Gunaz TV-nin məlumatına görə, Reuters xəbər verir ki, İranın dəniz qüvvələri bu gün ticarət gəmilərinə birbaşa radio mesajı göndərərək Hörmüz boğazının yenidən tam şəkildə bağlandığını elan edib.

Məlumata əsasən, Ərəb körfəzi və Oman dənizində olan gəmilər VHF kanalı vasitəsilə aşağıdakı mesajı alıblar: “Bütün gəmilərin diqqətinə, ABŞ hökumətinin danışıqlarda öhdəliklərini yerinə yetirməməsi səbəbindən İran elan edir ki, Hörmüz boğazı yenidən tamamilə bağlanıb. Heç bir gəminin, hansı bayraq altında olmasından asılı olmayaraq, keçidinə icazə verilmir.”

Reuters vurğulayıb ki, bu mesaj İran rəsmilərinin boğazın “müvəqqəti açıq” olduğunu bildirməsindən cəmi bir neçə saat sonra yayımlanıb; bu isə qərarların qəfil dəyişdiyini və dənizdə gərginliyin artdığını göstərir.

Eyni zamanda, beynəlxalq mediada yayılan məlumatlara görə, bu mesajdan sonra bir sıra ticarət gəmiləri dayanmağa və ya marşrutlarını dəyişməyə məcbur olub və bu strateji keçiddə dəniz hərəkəti ciddi şəkildə pozulub.

“The Wall Street Journal” da bu mesajı təsdiqləyərək bildirib ki, xəbərdarlıqda boğazdan keçməyə cəhd edən gəmilərin “sərt cavabla” qarşılaşa biləcəyi və hətta “məhv edilə biləcəyi” qeyd olunub.

BBC və digər dəniz mənbələri isə bu addımın Hörmüz boğazında gərginliyi kəskin şəkildə artırdığını və qlobal enerji marşrutunu qeyri-sabit vəziyyətə saldığını bildirir.

Günaz TV
R.G

GUNAZ.TV

SON XƏBƏRLƏR