ABŞ BMT-də İranın Hörmüz boğazındakı fəaliyyətlərini hədəf alan yeni qətnamə irəli sürür

SON XƏBƏRLƏR

ABŞ BMT-də İranın Hörmüz boğazındakı fəaliyyətlərini hədəf alan yeni qətnamə irəli sürür

2026.05.05, 12:24

ABŞ Birləşmiş Millətlər Təşkilatının Təhlükəsizlik Şurasında İran İslam Respublikasının Hörmüz boğazındakı fəaliyyətlərini hədəf alan yeni qətnamə irəli sürür.

Gunaz.tv

"Fox News" bu barədə məlumat verərək bildirib ki, bu addım ABŞ Prezidenti Donald Tramp administrasiyasının Hörmüz boğazında davam edən dəniz əməliyyatlarına beynəlxalq dəstək əldə etmək cəhdlərinin bir hissəsidir.

ABŞ-ın BMT-dəki səfiri Mike Ualtz bildirib ki, yeni qətnamə beynəlxalq sularda mina yerləşdirilməsi, qlobal gəmiçiliyin təhdid edilməsi və dünyanın ən vacib ticarət marşrutlarından birində pozuculuq cəhdlərinə görə İranın məsuliyyətə cəlb olunmasını hədəfləyir.

Ualtz mətbuat konfransında deyib: “Prezident və dövlət katibi Rubio bizə tam əməkdaşlıqla Təhlükəsizlik Şurasına getməyi və Bəhreyn və Körfəz Əməkdaşlıq Şurası ölkələri ilə birlikdə bir qətnamə hazırlamağı tapşırıblar.”

O əlavə edib ki, BMT Təhlükəsizlik Şurasında paralel bir proses aparılır və bu, ABŞ-ın “Azadlıq layihəsi”ndən ayrı olsa da, onunla əlaqəlidir.

Ualtz həmçinin bildirib ki, İran “kor-koranə şəkildə” dənizə mina yerləşdirərək dünyanın qalan hissəsini cəzalandıra bilməz.

Onun sözlərinə görə, qətnamə beynəlxalq hüququn açıq şəkildə pozulmasına görə İranın cavabdeh olmasını nəzərdə tutur və Tehrandan dəniz minalarının yerləşdirilməsini dayandırmağı, onların yerləşdiyi yerləri açıqlamağı və BMT ilə əməkdaşlıq edərək humanitar dəhlizlərin yaradılmasına kömək etməyi tələb edir.

Ş.A

GUNAZ.TV

SON XƏBƏRLƏR