İran ərzaq təminatında aciz qalıb

SON XƏBƏRLƏR

İran ərzaq təminatında aciz qalıb

2026.05.10, 07:26

İran hər zamankından daha çox idxaldan asılı vəziyyətə düşüb və idxal daxili istehsalı əvəz etməyə başlayıb.

Gunaz.tv

Gunaz TV-nin yaydığı məlumata görə, kənd təsərrüfatı məhsullarının daxili istehsalının azalması İranın taxıl və ərzaq məhsulları idxalından asılılığını daha da artırıb.

Ekspertlər bildirirlər ki, buğda, düyü və digər əsas məhsulların istehsalındakı geriləmə İranı daxili tələbatı ödəmək üçün genişmiqyaslı idxala məcbur edib. Valyuta böhranı və nəqliyyat sahəsində yaranan problemlər isə idxal prosesini daha da çətinləşdirib.

Məlumatlara görə, İran hər il təxminən 17 milyon ton qarğıdalı, arpa, buğda və düyü idxal edir. Valyuta məhdudiyyətləri, daşınma xərclərinin artması və dəniz marşrutlarındakı problemlər bu prosesi daha baha və mürəkkəb hala gətirib.

İqtisadi ekspert Dalğa Xatınoğlu hesab edir ki, son illərdə əsas kənd təsərrüfatı məhsullarının istehsalındakı azalma İranın idxaldan asılılığını daha da artırıb.

Onun sözlərinə görə, İranın ümumi taxıl istehsalı təxminən 26 milyon tondan 20 milyon tona düşüb və bu vəziyyət ərzaq bazarına əlavə təzyiq yaradıb.

Ekspertlər xəbərdarlıq edirlər ki, daxili istehsalın azalması davam edərsə, İranda ərzaq təhlükəsizliyi böhranı və qida məhsullarının bahalaşması daha da dərinləşə bilər.

GünAzTV
R.G

GUNAZ.TV

SON XƏBƏRLƏR