İranda fermerlərə yeni zərbə; Gübrənin qiyməti 8 dəfə artdı

SON XƏBƏRLƏR

İranda fermerlərə yeni zərbə; Gübrənin qiyməti 8 dəfə artdı

2026.05.10, 08:02

Rejimin siyasəti fermerləri məhv edir, İran fermerləri çıxılmaz vəziyyətdədir.

Gunaz.tv

Gunaz TV-nin yaydığı məlumata görə, İranda kimyəvi gübrələrin qiymətinin kəskin bahalaşması fermerlər və istehsal sahəsində çalışanlar arasında ciddi narahatlıq yaradıb.

“Ruydad24” saytının yaydığı məlumata əsasən, ötən il qiyməti 800 min tüməndən aşağı olan bəzi gübrələr hazırda 7 milyon tüməndən çox qiymətə satılır. Hesabatda bəzi gübrə növlərinin qiymətinin 8 dəfədən çox artdığı bildirilib.

Kənd təsərrüfatı sahəsində fəaliyyət göstərən şəxslər subsidiya dəstəyinin ləğv edilməsini, nəqliyyat xərclərinin artmasını və xammal idxalındakı problemləri bu bahalaşmanın əsas səbəbləri kimi göstərirlər.

Kimyəvi gübrə istehsalçıları birliyinin katibi Həsən Neməttələb bildirib ki, dəniz məhdudiyyətlərindən sonra Çindən gübrə idxalı daha uzun marşrutlar və yüksək xərclərlə həyata keçirilir.

Ekspertlər xəbərdarlıq edirlər ki, kənd təsərrüfatı üçün lazım olan məhsulların qiymətindəki artım davam edərsə, bu vəziyyət yalnız əkinçilik deyil, heyvandarlıq və balıqçılıq sahələrində də daha böyük böhrana səbəb ola bilər.

İqtisadi təzyiqlərin artdığı bir dövrdə bir çox fermer və istehsalçının artıq əsas ehtiyaclarını almaq gücünün qalmadığı bildirilir.

GünAzTV
R.G

GUNAZ.TV

SON XƏBƏRLƏR