İranlı deputat: zənginləşdirilmiş uran ehtiyatı ölkədən çıxarılmayacaq

SON XƏBƏRLƏR

İranlı deputat: zənginləşdirilmiş uran ehtiyatı ölkədən çıxarılmayacaq

2026.05.29, 11:13

İran parlamentinin Milli Təhlükəsizlik Komitəsinin sədri bildirib ki, Tehran zənginləşdirilmiş uran ehtiyatını üçüncü bir ölkəyə köçürmək niyyətində deyil və bunun Vaşinqtonla mümkün razılaşma ətrafında müzakirə olunan məsələlərdən biri olması iddiasını rədd edib.

Gunaz.tv

Bu barədə İbrahim Əzizi Rusiyanın Sputnik agentliyinə danışıb.

"ABŞ danışıqlarda etibarlı tərəf olmayıb və Vaşinqton davranışını dəyişməsə, heç bir razılaşma əldə olunmayacaq." - deyə o bildirib.

Əzizi həmçinin bildirib ki, İslam Respublikası Hörmüz boğazının daimi idarə olunmasını hədəfləyir və bunu müvəqqəti addım deyil, uzunmüddətli siyasət kimi qiymətləndirir.

Xatırladaq ki, onun açıqlamaları İran rəsmilərinin Hörmüz boğazını ABŞ ilə danışıqlarda əsas təzyiq vasitəsi kimi təqdim etməyə davam etdiyi bir vaxta təsadüf edir. Vaşinqton isə bildirib ki, hər hansı razılaşma İranın nüvə silahı əldə etməsinin qarşısını almalıdır.

GUNAZ.TV

SON XƏBƏRLƏR