ABŞ İran milli futbol komandasının oyunçularına viza verdi

SON XƏBƏRLƏR

ABŞ İran milli futbol komandasının oyunçularına viza verdi

2026.06.05, 19:38

Gunaz.tv

Reuters agentliyinin Ağ Evdəki bir rəsmiyə istinadən yaydığı məlumata görə, İran milli futbol komandasının oyunçularına ABŞ-a daxil olmaq və 2026-cı il Dünya Çempionatında iştirak etmək üçün viza verilib.

Bundan əvvəl İranın Meksikadakı səfiri Əbülfəzl Pəsəndidə milli komanda üzvlərinin hələ ABŞ vizası almadığını bildirmişdi. Lakin Ağ Ev rəsmisinin sözlərinə görə, bu vizalar ötən gecə ərzində verilib.

İran milli komandası Dünya Çempionatındakı ilk oyununu 15 iyun tarixində Los-Ancelesdə Yeni Zelandiya yığmasına qarşı keçirəcək. Komanda daha sonra həmin şəhərdə Belçika ilə qarşılaşacaq. İranın üçüncü oyunu isə Sietldə Misir millisinə qarşı baş tutacaq.

Milli komandanın hər üç oyunu ABŞ-da keçiriləcək olsa da, İran Futbol Federasiyası komandanın təlim-məşq toplanışı və düşərgəsini Arizonadan Meksikanın Tixuana şəhərinə köçürüb. Proqrama əsasən, milli komanda bazar günü səhər saatlarında Tixuanaya çatacaq.

İran Futbol Federasiyasının prezidenti Mehdi Tac bundan əvvəl maliyyə problemlərinə toxunaraq demişdi ki, “maliyyə sıxıntıları” milli komandaya ciddi təsir göstərir. İran yığması Dünya Çempionatına hazırlıq çərçivəsində son günlər yalnız Türkiyədə Qambiya və Mali komandaları ilə yoldaşlıq oyunları keçirə bilib.

GünAz TV
R.G

GUNAZ.TV

SON XƏBƏRLƏR