Contact Us

SON XƏBƏRLƏR

Speedtest İrana “Mövcud deyil” dedi; İran qlobal internet reytinqindən çıxarıldı

2026.07.21, 22:30
Speedtest İrana “Mövcud deyil” dedi; İran qlobal internet reytinqindən çıxarıldı

İranda 88 günlük kəsinti ağır nəticə verdi. Qlobal internet reytinqində İranın adı yoxdur.

Gunaz.tv

Gunaz TV-nin məlumatına görə, İranda internetdə genişmiqyaslı problemlərin davam etməsi səbəbindən ölkənin adı Speedtest qlobal mobil internet reytinqindən çıxarılıb.

Speedtest-in son hesabatına əsasən, İranda mobil internetlə bağlı məlumatlar istifadəçi testlərinin kifayət qədər olmaması səbəbindən siyahıdan çıxarılıb və ölkənin göstəriciləri əvəzinə “Mövcud deyil” ifadəsi qeyd olunub.

Sabit internet üzrə isə İran orta hesabla 24,9 Mbit/s yükləmə sürəti ilə dünyada 137-ci yerdə qərarlaşıb. Bu göstərici son dörd ayda azalıb və dünya üzrə orta sürət olan 100 Mbit/s-dən xeyli aşağıdır.

Eyni zamanda, NetBlocks təşkilatının hesabatına görə, İran son aylarda 88 günlük ümummilli internet kəsintisi ilə dünyada ən uzun internet kəsintisi rekordunu qeydə alıb. Təşkilatın bildirdiyinə görə, bu dövrün böyük hissəsində iranlı istifadəçilərin qlobal internetə çıxışı normal səviyyənin təxminən 1 faizi həcmində olub.

 

GunAz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar