Contact Us

SON XƏBƏRLƏR

ABŞ İranın zənginləşdirilmiş uran ehtiyatını ələ keçirmək üçün hərbi əməliyyatı nəzərdən keçirir

2026.07.26, 10:27
ABŞ İranın zənginləşdirilmiş uran ehtiyatını ələ keçirmək üçün hərbi əməliyyatı nəzərdən keçirir

ABŞ administrasiyası İranın nüvə obyektlərində saxlanılan zənginləşdirilmiş uranı ələ keçirmək məqsədilə genişmiqyaslı xüsusi hərbi əməliyyat keçirmək imkanını dəyərləndirir.

Gunaz.tv

Bu barədə New York Post nəşri məlumat yayıb.

Məlumata görə, mümkün əməliyyatda minlərlə hərbçi, mühəndis bölmələri və xüsusi təyinatlı qüvvələrin iştirakı nəzərdə tutulur. Ekspertlər belə bir missiyanın hərbi tarixdə həyata keçirilməsi ən mürəkkəb əməliyyatlardan biri ola biləcəyini bildirirlər.

İddialara əsasən, əməliyyatın əsas hədəfi İranın ciddi mühafizə olunan Fordo və İsfahan nüvə obyektlərində saxlanıldığı ehtimal edilən zənginləşdirilmiş uran ehtiyatını təhlükəsiz şəkildə çıxarmaqdır. Bunun üçün əraziyə nəzarətin ələ alınması, partlayıcı tələlərin zərərsizləşdirilməsi və materialın təhlükəsiz şəkildə daşınması tələb olunacaq.

Nəşr yazır ki, İran mümkün hücuma hazırlaşaraq bəzi nüvə obyektlərinin ətrafında əlavə müdafiə tədbirləri görüb. Həmçinin son dövrlərdə "Pickaxe Mountain" kimi tanınan yeni yeraltı obyekt də ABŞ-ın diqqət mərkəzindədir. Mütəxəssislərin fikrincə, əməliyyatın uğuru kəşfiyyat məlumatlarının dəqiqliyindən və obyektlərin daxili quruluşu barədə əldə ediləcək məlumatlardan asılı olacaq.

 

C

Açar Sözlər :

SEÇİLMİŞ XƏBƏRLƏR

Çox oxunanlar