Səid Xətibzadə: “Azərbaycan üçüncü tərəfin öz ərazisindən İrana qarşı sui-istifadə etməsinə imkan verməməlidir”

SON XƏBƏRLƏR

Səid Xətibzadə: “Azərbaycan üçüncü tərəfin öz ərazisindən İrana qarşı sui-istifadə etməsinə imkan verməməlidir”

2021.10.20, 07:36

Gunaz.tv

O deyib ki, Ermənistan xarici işlər naziri Ararat Mirzoyanın Tehrana səfəri əvvəlcədən plnlaşdırılmışdı.

“Bizim həm Azərbaycan, həm də Ermənistanla yaxşı münasibətlərimiz var. Bizim heç bir ölkə ilə əlaqələrimiz başqa bir ölkənin əleyhinə deyil. Bizim xarici siyasətimz də bu prinsip üzərində qurulub. Hesab edirik ki, regionda əlaqələr nə qədər geniş olsa, sülh və sabitlik də bir o qədər artar.

Sionistlərin və DAEŞ (İŞİD) tərəfdarlarının Azərbaycan Respublikası ərazisində olması ilə bağlı yayılan xəbərlərə gəlincə, biz müharibənin (44 günlük savaş nəzərdə tutulur-red) ilk başlanğıcından bu günə qədər bu barədə müxtəlif məlumatlar almışıq və bütün bu kimi xəbərləri də Bakıdakı dostlara çatdırmışıq. Onlar isə müxtəlif görüşlərdə bu sarıdan digər ölkələrə qarşı hər hansı bir təhdidin olmadığını deyiblər. Lakin bu barədə bizə hələ də məlumatlar daxil edilir.

İranla Azərbaycan arasında yaranmış ixtilafa gəldikdə isə, İranın Aərbaycanla əlaqələri həmişə inkişafa doğru hərəkətə edib. İran isə istər son 44 günlük savaşda, istərsə də ondan sonrakı mərhələdə Azərbaycan Respublikasındakı qardaşlara heç bir köməyini isirgəməyib.

Biz Azərbaycan Respublikasının milli hakimiyyətinə və onun ərazi bütövlüyünə hörmətlə yanaşdığımızı bəri başdan Bakıdakı dostlara elan etmişik. Biz hətta Azərbaycan Respublikasının milli hakimiyyətinə və onun ərazi bütövlüyünün qorunmasına yardım da göstərmişik. Lakin iranlı sürücülərlə edilən rəftarı dostcasına və onun mehriban qonşuluq prinsiplərinə uyğun olmasını hesab etmirik.

Bakı rəsmiləri öz sərhədçilərinin İran vətəndaşları ilə necə rəftar etməsinə daha diqqət etməlidirlər. Bizim Azərbaycanla münasibətlərimizə bəzi mülahizələr mövcuddur, onlardan ən önəmlisi isə sionist rejimin Azərbaycan ərazisi daxilindən böyük İran millətinə qarşı səsləndirdiyi bəyanatlar və ya ardıqları addımlardır.

Hesab edirik ki, Azərbaycan üçüncü bir tərəfin öz ərazisindən İrana qarşı sui-istifadə etməsinə imkan verməməlidir. İran İslam Respublikası öz təhlükəsizliyini və sabitliyini qorumağı yaxşı bacarır. Lakin yaxşı olar ki, Bakı da öz hakimiyyət vəzifəsinə əməl ersin”, -deyə İran Xarici İşlər Nazirliyinin sözçüsü Səid Xətibzadə mediaya açıqlamasında ölkəsinin Azərbaycanla münaibətlərindən danışarkən bildirib.

A.M

GUNAZ.TV

SON XƏBƏRLƏR