Contact Us

SON XƏBƏRLƏR

Əfqanıstan sərhədində gərginlik- Taliban 2 İran sərhədçisini girov götürüb

2022.06.30, 07:30
Əfqanıstan sərhədində gərginlik- Taliban 2 İran sərhədçisini girov götürüb

Gunaz.tv

Qeyd edək ki, həmin gün naməlum şəxslər Əfqanıstandan İrana keçərək iranlı sərhədçi baş çavuş Məhəmməd Səyyadini öldürüb.

Bundan sonra əfqan sosial media istifadəçiləri sərhəddə İran-Əfqanıstan hərbçiləri arasında münaqişə yaranmasına dair xəbərlər yayıblar.

Məlumata görə, sərhədçilər arasında meydana gələn qarşıdurma zamanı iki İran hərbçisi Taliban hökuməti tərəfindən girov götürülüb.

"Hirmənd şəhərinin mühafizə zonasında baş verən sərhəd toqquşmaları və Səyyadinin öldürülməsindən sonra Əfqanıstanın sosial mediasında Taliban qüvvələrinin İran sərhədçiləri ilə qarşıdurmasına dair xəbərlər yayılıb.

Məsələnin detalları və hücum edənlərin şəxsiyyəti hazırda araşdırılır"-deyə, Hirmənd şəhərinin başçısı mediaya verdiyi açıqlamada bildirib.

İran mediası məsələ ilə bağlı yaydığı xəbərdə Əfqanıstan hökumətini nankorluqda ittiham edib və İranın zəlzələdən xəsarət alanlara yardımlarını önə çəkib.

Bununla yanaşı İran daxili işlər nazirinin təhlükəsizlik və hüquq-mühafizə işləri üzrə müavini Seyid Məcid Mirəhmədi iyulun 1-dən etibarən bir sıra əfqanistanlı qaçqınların ölkədən çıxarılacağını bildirib. 

Qeyd edək ki, son aylar İran-Əfqanıstan arasında gərginlik şiddətlənib və hər iki ölkə sərhəddə ağır texnika və canlı qüvvə toplamaqda davam edir.

Bir müddət öncə sərhəddə baş verən qarşıdurma zamanı Taliban qüvvələri İran İnqilab Keşikçiləri Korpusunun 5 hərbçisini əsir götürmüşdülər.

Bundan sonra Taliban hökumətinin Müdafiə Naziri Molla Məhəmməd Yəqub qonşu ölkələrə xəbərdarlıq edib.

"Qonşu ölkələrin Əfqanıstan sərhədlərinə müdaxilə etmələrə dözməyəcəyik"-deyə, nazir bildirib. 

Cavidan

Açar Sözlər :

SEÇİLMİŞ XƏBƏRLƏR

Çox oxunanlar