Xüsusi təyinatlıların Hadrut əməliyyatı

SON XƏBƏRLƏR

Xüsusi təyinatlıların Hadrut əməliyyatı - Yeni detallar açıqlanıb

2023.06.12, 12:11

İrəvanın Azərbaycanın Hadrut qəsəbəsində erməni hərbçilərin əsir düşməsi ilə bağlı başlatdığı cinayət işi məhkəməyə təqdim edilib. AzVision.az xəbər verir ki, bu barədə Ermənistan Baş Prokurorluğu məlumat yayıb.

Gunaz.tv

İstintaqla müəyyən edilib ki, taborun qərargah rəisi mayor V.Q. və komandir polkovnik-leytenant J.M. - nin səhlənkarlığı ucbatından Azərbaycan tərəfi erməni hərbçilərini mühasirəyə almağa imkan verən mövqelərin xəritəsinə çıxış əldə edib.

Qeyd olunur ki, 2020-ci il dekabrın 11-də axşam saatlarında Azərbaycan Silahlı Qüvvələri postlardan birində əməliyyat keçirib. 40 dəqiqəlik döyüşdən sonra mayorun əmri ilə şəxsi heyət geri çəkilib.

Lakin mayor mühüm sənədlərin azərbaycanlıların əlinə keçməməsi üçün lazımi tədbirlər görməyib. Xəritələri və digər döyüş sənədlərini ələ keçirən Azərbaycan Silahlı Qüvvələri qalan postları da rahat şəkildə mühasirəyə ala bilib.

Ordumuzun məhv etdiyi polkovnik: Şakaryan 90-cı illərin hərbi canilərindən olubBatalyon komandirinə gəlincə, o, Azərbaycan ordusunun bu sektorda əlavə qüvvə topladığı bir vaxtda vəziyyətin sabitləşməsi ilə bağlı komandanlığa səhv raport göndərib.

Polkovnik-leytenant hərbçilərimizin ərazidə toplanmasından, habelə erməni birləşmələrindən birinin mövqedən itkisiz uzaqlaşmaq imkanını bilə-bilə, heç bir səbəb göstərmədən hərtərəfli müdafiəyə keçməyi əmr edib.

O, əsgərlərə əlavə köməyin gələcəyini vəd edib.

"Nəticədə erməni bölmələri qeyri-bərabər döyüşdə itki verib, doqquz nəfər həlak olub, daha iki nəfər əsir götürülüb.Əldə edilən sübutlar əsasında hər iki zabitə qarşı ittiham irəli sürülüb. İbtidai istintaq yekunlaşıb, iş Sünik vilayətinin ümumi yurisdiksiya məhkəməsinə verilib", - məlumatda deyilir.

Xatırladaq ki, İrəvanın 44 günlük müharibədə ağır məğlubiyyətindən sonra tarixi üçtərəfli bəyanat imzalandı. Lakin bundan bir ay sonra Şirak bölgəsindən göndərilən təxribatçılar Hadrutun iki kəndi yaxınlığında terror planları həyata keçirməyə çalışdılar.

Azərbaycanın Xüsusi Təyinatlı Qüvvələrnin keçirdiyi əməliyyatlarla xeyli sayda təxribatçı əsir götürüldü. Onların bəziləri artıq geri qaytarılıb.

Ayxan

GUNAZ.TV

SON XƏBƏRLƏR