Güney Azərbaycan Milli Dövlətçilik Şurası antiterror əməliyyatı ilə bağlı bəyanat yaydı

SON XƏBƏRLƏR

Güney Azərbaycan Milli Dövlətçilik Şurası antiterror əməliyyatı ilə bağlı bəyanat yaydı

2023.09.19, 20:39

Qarabağda antiterror əməliyyatlarının başlanması ilə bağlı Güney Azərbaycan Milli Dövlətçilik Şurası bəyanat yayıb.

Gunaz.tv

Bəyanatda deyilir:

"Azərbaycanımızın da yerləşdiyi coğrafiyada uzun illərdir sürən erməni işğalçılığı və iran-erməni terror fəaliyyətlərinin nəticələri hər kəsə məlumdur. Məhz bu işğalçılıq və terror fəaliyyətlərinin nəticəsində on minlərlə insan həyatını itirmiş, yüz minlərlə insan öz doğma yurdunu tərk edərək uzun illər qaçqın həyatını yaşamaq məcburiyyətində qalmış, onlarla şəhər, minlərlə kənd talanaraq yerlə yeksan edilmişdir.

Bütün bunlarla yanaşı, iran-erməni terror ortaqlarının bölgədə sürdürdüyü əminamansızlıq və terror ortamı bölgənin sosial iqtisadi inkişafına da ciddi mənfi təsir buraxmışdır.

2020-ci ildə güclü Azərbaycan ordusunun böyük ölçüdə işğala son qoyması və üç tərəfli sazişin imzalanması bölgəyə sülh, əminamanlıq və barışın gələcəyinə dair inamı artırsa da, ermənistan tərəfinin üç tərəfli müqavilənin şərtlərinə uymaması, iran-erməni terror ortaqlarının sürekli gərginliyi artıracaq fəaliyyətlərdə bulunması Qarabağ ermənilərini silahlandıraraq onları terror fəaliyyətlərinə yönləndirməsi bir daha göstərdi ki, bölgədə qalıcı barışın təmin olunması yalnız və yalnız terror qaynaqlarının qurudulması və himayədarlarının zərərsizləşdirilməsi ilə mümükündür.

Bu baxımdan, qəhrəman Azərbaycan ordusunun terror qaynaqlarını qurutmağa yönəlik başlatdığı antiterror əməliyyatlarının bölgəmizdə qalıcı barış və sülhün gətirilməsinə töhfə verəcəyinə dair inancımız tamdır.

Güney Azərbaycan Milli Dövlətçilik Şurası olaraq, Azərbaycan ordusunun antiterror əməliyyatlarını dəstəkləyir və dövlətimizin yanında olduğumuzu bəyan edirik".

Güney Azərbaycan Milli Dövlətçilik Şurası
19 sentyabr 2023

GUNAZ.TV

SON XƏBƏRLƏR