“Biz məhrumiyyətdə deyildik, bu son onilliklərdə bizə təhmil olundu” – Xoy Şəhər İcra Hakimiyyətinin başçısı

“Biz məhrumiyyətdə deyildik, bu son onilliklərdə bizə təhmil olundu” – Xoy Şəhər İcra Hakimiyyətinin başçısı
GünAz TV: “Biz məhrumiyyətdə deyildik, lakin son onilliklərdə şərait və yalnış planlaşdırmalar məhrumiyyəti bizə təhmil etdi”. Bunu Xoy Şəhər İcra Hakimiyyətinin başçısı oktyabrın 26-da “Təsnim” xəbər agentliyinin müxbiri ilə danışıqda bildirib.

“Qeyri-bərabər inkişafın nəticəsi olaraq bəzi məntəqələr iqtisadi və insani kapitaldan boşalır. Bu vəziyyət Qərbi Azərbaycan Vilayəti, xüsusi ilə də Xoy şəhərində gözə çarpır. Bizim vilayət və şəhərimiz bu baxımdan çoxlu ziyan görüb. Hesab eliyirəm ki, əgər məşğulluq imkanlarının genişləndirilməsi və yatırım prosesi gizli və açıq manelərlə qarşılarşarsa, onda həmin bölgədən iqtisadi və insani kapitalın çıxmasını təbii proses kimi görmək lazımdır”- deyə Hüseyn Seyvani Əsl bildirib.

Xoy Şəhər İcra Hakimiyyətinin başçısı təmsil etdiyi şəhərin inkişafdan geri qaldığına da işarə edib. “Ən önəmli məsələ ictimai kapitala diqqəti yönəltməkdir. Biz İcra Hakimiyyəti olaraq bunu edirik, lakin digər orqanlar da belə olmalıdır. Qərbi Azərbaycan Vilayəti və Xoy şəhəri məhrumiyyət içində olan bir bölgə olmayıb, lakin son onilliklərdə şərait və yalnış planlaşdırmalar məhrumiyyəti bizə təhmil edib”- deyə o vurğulayıb.

N.S


HƏMÇİNİN OXUYUN

HƏMÇİNİN OXUYUN