İran rəsmisi: “Milli” və “Millət” banklarından 1200 milyard tümən pul mənimsənilib”

İran rəsmisi: “Milli” və “Millət” banklarından 1200 milyard tümən pul mənimsənilib”
 GünAzTV: İranın baş prokuroru axund Məhəmməd Cəfər Müntəziri oktyabrın 27-də dövlət televiziyasına müsahibəsində ölkənin dövlət banklarında baş verən böyük oğurluqlardan və iri məbləğdə pul mənimsəmələri hallarından danııb.

Məhəmməd Cəfər Müntəziri bildirib ki, son oğurluqların birində iki dövlət bankından xeyli məbləğdə pul yoxa çıxıb: “Milli” və “Millət” banklarından cəmi 1200 milyard tümən pul mənimsənilib. Baş verən olayla bağlı 5 nəfər saxlanılıb. Hadisədə əli olan və banklara külli məbləğdə borcu olan əsas müttəhimlərdən biri də ölkədən qaçıb. Hazırda həmin şəxsi tutub ölkəyə qaytarmaq üçün İnterpola müraciət etmişik və o artıq axtarışdadır.

Mənimsənilən pulların 800 milyard tüməni, “Milli” banka, qalanı isə “Millət” bankına məxsusdur. “Milli” bankdan oğurlanan məbləğin 300 milyard tüməni, “Millət” bankından mənimsənilən vəsaitin isə 120 milyard tüməni zəbt edilərək geriyə qaytarılıb. Təəssüflər olsun ki, dövlət banklarında vaxtaşırı baş verən bu kimi iri oğurluqlar və mənimsəmələr ölkənin imicinə böyük zərbə vurur və bu heç də yaxşı bir şey deyil. Hesab edirəm ki, əgər Mərkəzi Bankın və digər bankların özlərinin pul dövriyyəsinə nəzarəti gücləndirilsə, bu kimi mənimsəmə və oğurluq hallarının qarşısı alınar”.

Baş prokurur, hər iki bankdan pul mənimsədiyinə görə tutulan və axtarışda olan şəxslərin adlarını və hadisənin nə zaman baş verdiyini açıqlamayıb.

A.M


HƏMÇİNİN OXUYUN

HƏMÇİNİN OXUYUN