Amerika hərbçilərinin bir hissəsini Cənubi Koreyadan çıxara bilər

Amerika hərbçilərinin bir hissəsini Cənubi Koreyadan çıxara bilər

GünAz TV: Seul Amerika Birləşmiş Ştatları (ABŞ) qoşunlarının saxlanması xərclərini xeyli artırmasa,Vaşinqton bu ölkədəki 28 minlik hərbi kontingentini 4 min hərbçiyə qədər ixtisar etmək imkanlarını nəzərdən keçirəcək.

 

Bu barədə Vaşinqtondakı diplomatik mənbə deyib. "Pentaqon danışıqların Prezident Donald Trampın istədiyi məcrada davam etməyəcəyi təqdirdə Cənubi Koreyadan bir briqadanı çıxaracaq”, - deyə mənbənin məlumatında bildirilir.

 

Cənubi Koreyada 28,5 minlik hərbi kontingentin saxlanılması Vaşinqtona təxminən ildə 5 milyard dollara başa gəlir. 2019-cu ildə imzalanan bir illik müqaviləyə əsasən, Seulun müvafiq xərcləri 8,2 faiz artırılaraq 1,04 trilyon vona (915 milyon dollar) çatdırılıb.

 

Noyabrın 7-də Koreya Respublikasının birləşmə üzrə parlament komitəsinin rəhbəri Yun San Hön Vaşinqtonun Seula birgə müdafiə xərclərini demək olar ki, beş dəfə artıraraq 4,7 milyard dollara çatdırması barədə tələb irəli sürdüyünü bildirib. Həmçinin ABŞ Cənubi Koreyanın yarımada xaricində Amerika Silahlı Qüvvələrinin saxlanılması xərclərini artırmasında da israr edir.

 

Xatırladaq ki, ABŞ 1950-1953-cü illərdə baş verən Koreya müharibəsindən bəri Cənubi Koreyada qoşun saxlayır. Xezerxeber.az

 

N.S


HƏMÇİNİN OXUYUN

HƏMÇİNİN OXUYUN