Erşad Salihi: Türkmənlər arasına fitnə salınmasına icazə verməyəcəyəm – Müsahibə / AUDİO

2017-03-31 15:02

GünAz TV: İraq Türkmən Cəbhəsi başqanı Erşad Salihi Kərkükdəki son vəziyyətlə bağlı “Amerikanın Səsi”nə danışıb.

 

“Biz yasal olaraq Bağdaddakı Federal Məhkəməyə şikayətimizi bildirdik. Məhkəmə bunun bir məhəlli hökümət qərarı olduğuna və Bağdad tərəfindən keçərli olmadığına dair qərar verdiyi təqdirdə o bayraqlar təkrar enəcəkdir,” İraq Türkmən Cəbhəsi başqanı və Kərkük millət vəkili Erşad Salihi deyir. “Amerikanın Səsi”nə müsahibədə o, bu günlərdə Kərkükdə yaşanan bayraq gərginliyi ilə bağlı son durumu şərh edib.

 

Kərkükdə bayraq gərginliyi bir neçə gün öncə Kərkük valisinin Kürdüstan Regional Hökuməti bayrağının Kərkükdə dövlət binalarına sancılmasına dair qərarının açıqlanması ilə başladı və qərarın Kərkük Vilayət Məclisində təsdiqi ilə xüsusilə türkmən əhalisinin geniş etirazına yol açdı.

 

Türkmən liderin fikrincə, Kürdüstan Yurdsevərlər Birliyi Partiyasına mənsub vali Nəcməddin Kərim öz partiyası daxilində yaşanan problemlər üzündən kürdlər üçün milli məsələ olan bayraq mövzusunu ortaya atıb.

 

Kürdüstan Yurdsevərlər Birliyi İraqın sabiq prezidenti Cəlal Talabaninin partiyasıdır.

 

Cənab Salihinin söylədiklərinə görə, “vilayət məclisinin çoxunun kürd olduğu üçün orada bu qərar qəbul edildi... Əslində kürd partiyaları üçün bu qərarın dəstəklənməsi zamanı deyildi. Amma Kərkük valisinin öz partisi içində problemləri vardır. O, bu şəxsi problemləri Süleymaniyyə və Ərbildən Kərkükə nəql etmək üçün bu qərarı aldı ki digər kürd partiyaları da yanında tutsun. Məlum, kürdlər üçün milli olan bu məsələ içində bərabər oldular.”

 

Türkmən siyasətçi qərarın İraq konstitusiyasına zidd oluğunu vurğulayır:

“İraq ana yasasına görə, İraq bayrağı hər yerdə dalğalanmaqdadır. Amma, sadəcə Ərbil, Süleymaniyyə və Duhokdan ibarət olan kürd bölgəsində Kürdüstan deyilən bayrağı qaldıra bilərlər. İraq ana yanası yazıldığında kürd partiyaları Kərkükü də kürd bölgəsinə almaq istədilər. Lakin, Kərkükün adı ana yasada ixtilaflı bölgə olaraq keçdi.”

 

Onun sözlərinə görə, Kərkükdə müxtəlif partiyalar öz bayraqlarını ancaq öz partiyalarına məxsus binalarda dalğalandıra bilərlər. “Partiyaların başında hərkəs öz bayrağını qaldırar. Kürdlər Kürdüstan bayrağını, Türkmənlər isə Türkmən Eli bayrağını qaldırar. Ancaq dövlət binaları və rəsmi dairələrdə yalnız İraq bayrağı qaldırıla bilər.”

 

Kürdüstan Regional Hökuməti bayrağının Kərkükdə dövlət binalarına asılmasına türkmənlərin səssiz qalmadığını ifadə edən Salihi İraq Höküməti, Birləşmiş Millətlər və Türkiyənin də qərara etiraz etdiklərini bildirir:

“Biz buna qarşı səssiz qalmadıq. İraq mərkəzi höküməti də səssiz qalmadı. Hər kəsdən dəstək tələb etdik. Amma, yanımızda duran bir Birləşmiş Millətlər təmsilçisi oldu, bir də Türkiyə Xarici İşlər Naziriliyindən qərara təpki gəldi. Bağdad höküməti də bu qərarın yasal olmadığını və hüquqi baxımdan yanlış olduğunu açıqladı.”

 

Kərküklü siyasətçi bayraq qərarına qarşı mitinq keçirən türkmən əhalinin zorakılığa məruz qaldığını deyir:

“Sivil toplum təşkilatları bir yürüş keçirdilər. Yürüşdə Kərkük valisinə tələblərini bildirdilər. Onun üçün orada kürd partiyasının adamları maşınları ilə türkmənlərin üzərinə getdilər. İki yaralımız oldu... Bizim yürüşümüz bitdikdən sonra Süleymaniyyədən gələn qüvvələr havaya atəş açaraq terror havası yaratdılar. Amma insanlarımız onları rədd edib və o bölgədən qovdu.”

 

Türkmən millət vəkili əlavə edir, “biz yasal olaraq Bağdadda federal məhkəməyə şikayət etmişik. Federal məhkəmə bunun məhəlli bir hökümətin qərarı olduğuna və Bağdad tərəfindən keçərli olmadığına qərar verdiyi təqdirdə o bayraqlar təkrar enəcəkdir. Biz şikayətimizi verdik və kəsin bir cavab gözləməkdəyik.”

 

“Biz deyirik ki Kərkük sadəcə kürdlərin deyil, Kərkük əslində bir türkmən şəhəridir. Amma kürd partiyaları Kərkükü kürd bölgəsinə ilhaq etmək planı üzərindən gedirlər,” deyə ifadə edən siyasətçi həmin siyasətin Təlafər, Amirli, Tuzxurmatu və Diyalə kimi bölgələr üzərində də yürüdüldüyünə diqqət çəkir.

 

O, həmçinin Təlafərin yaxınlığında yerləşən Sincar Dağlarında qərargahlanan PKK qüvvələrinin də türkmənlər üçün bir təhdid təşkil etdiyini deyir.

“Sincar bölgəsində bu anda PKK terror təşkilatının Suriya, Türkiyə və İraqdan olan qüvvələri bir araya gəlib və orada terror havası yaradıblar. Orada çatışmalar yaşanır. Bizim qayğımız Türkmənlərin böyük yaşam yerlərindən olan Təlafər üçündür. O baxımdan bizim üçün bir təhlükədir. Ümumiyyətlə Türkmən Eli üzərində yaşanan bir gərginlik vardır. Sözün qısası, nə yazıq ki bunlar siyasət yolu ilə olmur. Bu bölgələrdə söz danışan silahdır,” deyə Erşad Salihi söyləyir.

 

Erşad Salihinin lideri olduğu İraq Türkmən Cəbhəsi İraqda türkmən varlığını təmsil edən başlıca qüvvədir. Cənab Salihi türkmənlərin arasına fitnə soxulmasına icazə verməyəcəyini vurğulayır.

 

“Son bir ilin içində bütün türkmən şəxsiyyətləri, partiyaları, şiəsi, sünnisi, liberalı, islamçısı və milliyyətçisi hamısı bir araya gəldi. Bu gün mən öz dilimdən danışmıram. Tək cəbhədən bəhs edirəm. Bütün türkmən partiyalarının adı ilə danışıram. Bizim şiə qardaşlarımız da vardır Bağdad hökümətinin içində, onlar da bizimlə eynən dayanışma içindədirlər. Eynən dəstək verirlər. Heç bir şəkildə görüşlərimizdə ixtilaf yoxdur. Planlarımız bir, hədəfimiz bir, strategiyalarımız birdir bizim. Türk dünyası bundan əmin olsun, kəsinliklə türkmənlərin arasına bəlli bir fitnəni soxmağa mən izin verməyəcəyəm,” deyə o qeyd edir.

 

 “İraq hökümətinin kabinetində bizə bir nazirlik veriləcəkdir. Biz də onun üzərində anlaşmışıq. Sayın [İraq baş naziri] Heydər əl-Abadiyə bildirdiyimiz zaman o baxanlığı alarıq. Bundan öncə ixtilafımız var idi. Allaha şükür o ixtilafı gedərdik. Onun üçün bu anda baxanlıq namizədi üzərində anlaşmışıq. Bu baş baxana bildiriləcək və Türkmən baxan olacaq,” deyə Erşad Salihi yaxında bir türkmən siyasətçinin İraq hökümətində ticarət ya sənaye naziri olaraq təyin ediləcəyini bildirir.

 

Audionu dinləmək üçün qaynağımız olan aşağıdakı LİNK-ə müraciət edə bilərsiniz:

http://www.amerikaninsesi.org/a/iraq-turkmen-cebhesi/3788437.html

 

N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Post | Gunaz article social
فرید سرهنگی

2020-05-28

صفویان که بیشتر از ترک بودنشان به شیعه بودنشان می بالیدند برای این که در مقابل امپراطوری عثمانی قد علم کنند به مرثیه سرایی به سبک شاعران شعوبیه فارس ها مانند فردوسی پرداختند واز همین رو پان ایرانیسم(پان فارسیسم)در ایران خراب شده به وجود آمد. قابل توجه جناب احمد اوبالی که از صفویان ترک هایی قهرمان ساخته!

Şərh Yaz
gun az article

GünazTV June.06.2020: “Etirazlar Corona virusuna tutulanların sayını artırır”

2020-06-06

gun az article

Zərif sabiq amerikalı diplomatla görüşüb

2020-06-06

gun az article

Amerika İrana qarşı silah embarqosunun uzadılması ilə bağlı qətnamə layihəsini Rusiyaya təqdim edib

2020-06-06

gun az article

İranda son 24 saat ərzində 75 nəfər koronavirusdan dünyasını dəyişib

2020-06-06

gun az article

Rəsmi Paris İrandan Fəriba Adilxahı azad etməyi tələb edib

2020-06-06

gun az article

GünazTV June.05.2020: İran İslam respublikası 2018-ci ildən həbsdə saxladığı Amerika ordusunun üzvü olan Michael Whiteni azad edib

2020-06-05

gun az article

GünazTV June.05.2020: Hong Kong üzərində Çin və ABŞ arasında gərginlik artmaqdadır

2020-06-05

gun az article

İraqın Baş nazirindən "Qüds Briqadası"nın komandanı İsmayıl Qaaniyə: "Ölkəmizə daxil olarkən viza al"

2020-06-05

gun az article

İran polisi əfqan və pakistanlı mühacirlərin maşınını atəşə tutub: 3 nəfər diri-diri yanaraq ölüb

2020-06-05

gun az article

İranda daha 63 nəfər koronavirusdan ölüb, 2886 nəfər xəstəliyə yoluxub

2020-06-05

gun az article

İranın İlam əyalətində koronavirusa yoluxanların sayı 1135 nəfərə çatıb

2020-06-05

gun az article

İlam əyalətinin Ərkvaz şəhərində 3.3 bal gücündə zəlzələ olub

2020-06-05

gun az article

Əhvazda 52 yanğınsöndürən koronavirusa yoluxub

2020-06-05

gun az article

İsrail qırıclarının “Hemah”da endirdiyi hava zərbələri nəticəsində Suriya və İranın 9 muzdlu hərbçisi öldürülüb

2020-06-05

gun az article

İranın ticarət gəmisi İraq sahillərində batıb

2020-06-05

gun az article

İranda həbs olunmuş sabiq amerikalı hərbçi ölkəsinə qaytarılıb

2020-06-05

gun az article

GünazTV June.04.2020: “Floyd cinayətində üç polis barəsindı həbs qərarı verildi”

2020-06-04

gun az article

GünazTV June.04.2020: İranla Türkiyə arasındakı Gürbulağ sərhədi yenidən açılır

2020-06-04

gun az article

Ərdəkan şəhəri yaxınlığında 3.5 bal gücündə zəlzələ baş verib

2020-06-04

gun az article

İran rəsmisi: “Hormozqan əyalətində koronavirusa yoluxanlardan 25%-i evdar qadınlardır”

2020-06-04