“Human Rights Watch” və “Amnesty İnternational”, İranda 12 məhbusun edamının dayandırılmasını tələb edib

“Human Rights Watch” və “Amnesty İnternational”, İranda 12 məhbusun edamının dayandırılmasını tələb edib

 GünAzTV: “Human Rights Watch” və “Amnesty İnternational” beynəlxalq hüquq təşkiklatları yanvarın 13-də birgə bəyanat yayaraq, İranda narkotik maddələrin qaçaqmalçılığında günahlandırılaraq edama məhkum edilən 12 məhbusun ölüm hökmünün icrasının dayandırılmasını tələb edib.

 

Bəyanatda bildirilir ki, həmin məhbuslardan 4-ü (Əliməhəmməd Loristani, Məhəmməd Süleymani, Əli İbadi və Məcid Bədrlu) məhkəmə prosesində vəkildən məhrum edilib, onların etirafları təzyiq və işgəncələr altında alınıb.

 

“Human Rights Watch” təşkilatının Orta Şərq bölməsinin rəhbəri Sara Li Vitson jurnalistlərə açıqlamasında bildirib ki, İranın beynəlxalq standartlara zidd məhkəmələri həmin məhbusları tələm-tələsik ölümə məhkum edib: “Edamlar, İranda narkotik lə bağlı problemi aradan qaldırmayacaq. İran rəsmiləri bu kimi edamlara son qoymalı, bu məhbusların ölüm hökmünü ləğv etməlidir. Çünki bu hökmlər beynəlxalq qanunlara ziddir”.

 

Qeyd edək ki, Kərəcin mərkəzi “Nidamətgah” zindanında saxlanılan məhbuslar yanvarın 8-də ölüm hökmünün icrasına hazırlıq üçün təkadamlıq kameralara köçürülsələr də, Sistemin Məsləhətini Müəyyənləşdirən Qurumun rəisi Haşimi Rəfsəncaninin vəfatından sonra onların edamı bir neçə günlüyə təxirə salınıb. Yayılan məlumatlara əsasən, məhbuslar yanvarın 14-ü sübh saatlarında edam olunmalı idilər.

A.M

 


HƏMÇİNİN OXUYUN

HƏMÇİNİN OXUYUN