İran rəsmisi: “ ikili vətəndaşlığı olan 6 nəfər 10 il həbsə məhkum edilib”

İran rəsmisi: “ ikili vətəndaşlığı olan 6 nəfər 10 il  həbsə məhkum edilib”

GünAzTV: İranda casusluqda günahlandırılan, ikili vətəndaşlığı olan 6 nəfər uzunmüddətli həbsə məhkum edilib. Bu barədə Tehran prokuroru Abbas Cəfəri Dövlətabadi oktyabrın 18-də jurnalistlərə açıqlamasında məlumat verib.

 

Abbas Cəfəri Dövlətabadi bildirib ki, uzunmüddətli həbsə məhkum ediləblərdən 5-i İran, 1-i isə Livan əsillidir: “Amerika dövləti ilə əməkdaşlıqda və casusluqda günahlandırılan müttəhimlər,  Siyamək Nəmazi və atası Bağır Nəmazi, eləcə də Fərhad Əbd Saleh, Kamran Qadiri, Əlirza Ümidvar və Livan əsilli Amerika vətəndaşı Nəzar Zəka barəsində hökm çıxarılıb. Casusluqda günahlandırılan həmin şəxslərin hər birinə 10 il həbs verilib”.

 

Tehran prokuroru öz açıqlamasında müttəhimlərin qapalı keçirilən məhkəmə prosesi haqda hər hansı bir məlumat verməyib.

 

Uzunmüddətli həbsə məhkum edilənlərdən “Crescent” neft şirkətinin strateji proqramlaşdırmalar bölməsdinin müdiri Siyamək Nəmazi 2015-ci ilin oktyabr ayında qohumlarını görmək üçün İrana səfər edərkən tutulub. Dörd ay sonra isə oğlunun durumunu öyrənmək məqsədilə İrana səfər edən məhbusun atası, keçmiş diplomat Bağır Nəmazi də həbs edilib. Ata və oğulun məhkəməsi son günlər keçirilib.

 

Xatırladaq ki, Amerikanın əfsanəvi boksçusu Məhəmməd Əli Kleyin həyat yoldaşı  Lonni Əli, oktyabrın 14-də İranın dini lideri Əli Xamneyiyə məktub yazaraq Tehranın Evin zindanında saxlanılan Siyamək Nəmazi və atası Bağır nəmazinin günahsı olduğunu vurğulayaraq onların azadlığa buraxılmasını xahiş etmişdi.

A.M

Açar Sözlər

Dünya və İran

HƏMÇİNİN OXUYUN

HƏMÇİNİN OXUYUN