Şirazda paniranist aksiyaçılar şüarlar səsləndirib: “Biz arilərik, ərəbləri pərəstiş etmirik”

Şirazda paniranist aksiyaçılar şüarlar səsləndirib: “Biz arilərik, ərəbləri pərəstiş etmirik”

GünAzTV: Oktyabrın 28-də İranın Şiraz şəhərinin yaxınlığında yerləşən Pasarqadda, Əhəmənilər (Həxaməneşilər) sülaləsinin ilk padişahı sayılan Kirin (Kuruşun) məqbərəsi qarşısında aksiya keçirilib.

 

Məqbərə ətrtafında toplaşan paniranist təfəkkürlü millətçi gənclər, fars millətçiliyinin əsas simvollarından sayılan Kiri (Kuruşu) anaraq ərəblərə qarşı şüarlar səsləndiriblər. “Deyirlər ki, hər şey Allahın əlindədir, bizim isə çəkdiyimiz bütün müsibətlər ərəblərdəndir”, “Biz arilərik (ariyayilərik) və ərəbləri pərəstiş etmirik”, “İran bizim vətənimiz, Kir (Kuruş) isə atamızdır” və “Pəhləvi, pəhləvi” şüarları səsləndirən aksiyaçılar, həm də İranın keçmiş şahının xaricdə mühacirətdə yaşayan oğlu Rza Pəhləviyə dəstək veriblər.

 

Bir neçə min millətçi fars gəncinin iştirakı ilə keçirilən və iki-üç saat davam edən aksiya hökumət qüvvələrinin müdaxiləsindən sonra başa çatıb. Qeyd edək ki, İranda oktyabrın 28-i (7 aban günü) qeyri rəsmi olaraq paniranistlər tərəfindən Kir (Kuruş) günü elan edilib. Bu təfəkkürün sahibləri isə son illər həmin gündə məqbərə ətrafında toplaşaraq əhəməni padşahının doğum gününü qeyd edirlər. 

A.M

Açar Sözlər

Dünya və İran

HƏMÇİNİN OXUYUN

HƏMÇİNİN OXUYUN