“The National Interest”: Ermənistan nüvə silahı yarada bilər!

“The National Interest”: Ermənistan nüvə silahı yarada bilər!

GünAz TV: Rusiyanın Ermənistanda yerləşdirdiyi “İsgəndər” raketləri nüvə silahıdır. Bu fakt onu düşünməyə əsas verir ki, Ermənistan nüvə silahının yaradılması imkanlarını artıra bilər.

 

Bu fikirlər Corctaun universitetinin münaqişələrin nizamlanması üzrə magistri Sebastyen Roblinin Amerika Birləşmiş Ştatlarının (ABŞ) nüfuzlu “The National Interest” jurnalında dərc olunan məqaləsində yer alıb.

 

Məqalədə qeyd olunur ki, “İsgəndər” raket kompleksləri nüvə başlığı daşıya bilər: "Və məhz bu fakt nə qədər absurd səslənsə də, 3 milyon əhalisi olan ölkənin nüvə silahını yaratmaq imkanını ortaya çıxarır".

 

Məqalə müəllifi Ermənistanda Metsamor Atom Elektrik Stansiyasının (AES) fəaliyyət göstərdiyini və burada nüvə sahəsində ixtisaslaşmış insanların çalışdığını da qeyd edir: "Düşünmək olar ki, Ermənistan radioaktiv “çirkli bombalar yarada və onları “İsgəndər”lər vasitəsilə istifadə edə bilər. Bu isə Dağlıq Qarabağ münaqişəsinin həlli üçün yaxşı heç nə vəd etmir". Trend

 

N.S


HƏMÇİNİN OXUYUN

HƏMÇİNİN OXUYUN