59 İran və Suriya gəmisi daha Panama bayrağı ilə üzə bilməyəcək- Sanksiyaları pozduqlarına görə

59 İran və Suriya gəmisi daha Panama bayrağı ilə üzə bilməyəcək- Sanksiyaları pozduqlarına görə

GünAz TV: İyulun 12-də Panama sanksiyalar və beynəlxalq qanunları pozan bir çox gəmi və tankerlərin artıq bu ölkənin bayrağı altında üzə bilməyəcəyini bəyan edib.

 

Bəyanatda vurğulanır ki, bu ölkə ötən aylar ərzində 60-a yaxın İran və Suriya gəmisinə Panama bayrağı ilə üzmək icazısi verib. Lakin dövlət hazırda beynəlxalq qanunlar və sanksiyaları pozan bu gəmilərdən çoxunun Panama bayrağı altında üzmək hüququnu ləğv etəməyi planlaşdırır.

 

“Reuters” agenliyinin adlarının açıqlanmasını istəməyən iki panamalı rəsmiyə istinadən yaydığı məlumata əsasən, 2018-ci ildə Amerikanın yenidən İrana qarşı sanksiya qəbul etməsindən sonra bu ölkənin prezidenti rəsmilərə bu Panama qeydiyyatdan keçmiş  59 gəminin siyahıdan çıxarmaları istiqamətində yaşıl işıq yandırıb.

 

Rəsmilər bildiriblər ki, bu gəmilərin əksəriyyəti İranın idarə etdiyi şitkətlərin mülkiyyətindədirlər, bəziləri isə Suriyaya neft daşımaqla, sanksiyaları pozan tankerlərdir.

 

Xatırladaq ki, iyulun 4-də İrandan Suriyaya neft daşıyan tanker Britaniya Hərbi Dəniz Qüvvələri tərəfindən Cəbəri-Tariq boğazında saxlanmışdı. Dünyanın bir çox ölkələri rəsmi Tehran tərəfindən Avropa İttifaqının Əsəd rejiminə qarşı qəbul edilmiş sanksiyaları pozmasına kəskin münasibət bildirmişdilər.

 

Ə.A


HƏMÇİNİN OXUYUN

HƏMÇİNİN OXUYUN