Abbas Musəvidən tanker partlayışına münasibət: “Təxribatçı addımı atanlarla bağlı araşdırmalar başladılıb”

2019-10-11 14:43

GünAz TV: İran Xarici İşlər Nazirliyinin sözçüsü Abbas Musəvi bu gün səhər saatlarında, Qırmızı dənizdə bu ölkəyə məxsus “Sanitized” adlı tankerdə baş vermiş partlayışa münasibət bildirib.

 

Hadisəni “təxribatçı addım” adlandıran sözçü bunu törədənlərin kimliyinin müəyyən edilməsi üçün araşdırmaların başladığını deyib.

 

O, partlayışın tankerə dəymiş raket nəticəsində baş verdiyini iddia edib.

 

Lakin Müsəvi özünün iddia etdiyi kimi, “təxribatçı hücumun” hansı ölkə tərəfindən törədilməsi ehtimalı ilə bağlı heç bir açıqlama verməyib.

 

Səhər saatlarında partlayışla bağlı xəbərlərin yayılmasından sonra İran media orqanları “mütəxəssislərə” istinadən tankerin raket hücumuna məruz qalması ehtimalı barədə məlumatlar dərc etmişdilər.

 

Lakin bir neçə saat sonra beynəlxalq dəniz naviqasiyası sahəsində fəaliyyət göstərən “Tanker Trackers” saytı partlayış baş vermiş İran gəmisinin hazırda körfəz istiqamətində üzdüyü barədə məlumat yaymışdı. Sayt həmçinin qeyd edirdi ki, araşdırmalar nəticəsində İran gəmisindən nə alov, nə də tüstü çıxdığı, eləcə də dənizə neft sızması halı müşahidə edilməyib.

 

Abbas Musəvi açıqlamasında həmçinin son aylar ərzində İranın neft tankerlərinə qarşı bir neçə dəfə hücum həyata keçirildiyini və onları törədənlər barədə araşdırmaların davam etdiyini deyib.

 

Qeyd etmək lazımdır ki, XİN-in sözçüsü bu fikri ilə Ərəbistan yaxınlığında İrana məxsus 2 gəmidə texniki nasazlıq səbəbindən baş vermiş qəzalara diqqət çəkir.

 

Bir neçə ay öncə “Happiness 1” və “Helm” adlı həmin 2 tankerin ayrı-ayrı vaxtlarda Qırmızı dənizdə texniki nasazlıq səbəbindən qəzaya uğramasından sonra İran araşdırmaların aparıldığını bəyan etmişdi. Lakin sonralar araşdırmaların nəticəsilə bağlı heç bir məlumat verilməmişdi.

 

Bu gün baş verən partlayışdan sonra İran XİN ilk dəfə olaraq öz gəmilərinin qəzaya uğramasıyla bağlı “təxribatçı hücum” ifadəsindən istifadə edir.

 

Bu gün İranın ingilis dilində fəaliyyət göstərən “Press TV” kanalı ölkənin diplomatik dairələrindəki “etibarlı mənbə”yə istinadən tankerdə partlayışın Səudiyyə Ərəbistanından atılmış raket nəticəsində baş verdiyilə bağlı xəbər yaymışdı. Lakin İran Milli Tanker Şirkəti bu iddianı rəsmən təkzib etmişdi. Bu isə göstərir ki, İran son dövrlər münasibətlərinin kəskin olduğu Ərəbistanla ziddiyyətləri daha da dərinləşdirməkdən çəkinməyə cəhd göstərir.

 

Ə.A

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Post | Gunaz article social
فرید سرهنگی

2020-05-28

صفویان که بیشتر از ترک بودنشان به شیعه بودنشان می بالیدند برای این که در مقابل امپراطوری عثمانی قد علم کنند به مرثیه سرایی به سبک شاعران شعوبیه فارس ها مانند فردوسی پرداختند واز همین رو پان ایرانیسم(پان فارسیسم)در ایران خراب شده به وجود آمد. قابل توجه جناب احمد اوبالی که از صفویان ترک هایی قهرمان ساخته!

Şərh Yaz
gun az article

İranda daha 64 nəfər koronavirisdan ölüb, 3117 nəfər də infeksiyaya yoluxub

2020-06-02

gun az article

Kirmanda narkotik maddə qaçaqmalçıları ilə atışmada sıravi əsgər həlak olub

2020-06-02

gun az article

Zərif Sirus Əsgərinin Amerikadan İrana doğru yola düşdüyünü bəyan edib

2020-06-02

gun az article

‍Əhməd Cənnəti: "Deputatlar namizədliklərin təsdiqlənməməsindən dərs çıxarsınlar"

2020-06-02

gun az article

Kirmanşah əyalətində koronavirusa yoluxanların sayı 4872 nəfərə çatıb

2020-06-02

gun az article

Pompeo: “İranın təhdidləri davam edədənə qədər ABŞ-ın maksimum təzyiq kampaniyası da davam edəcək”

2020-06-02

gun az article

Müctəba Zonnur: "Noyabr etirazlarında 230 nəfər öldürülüb, 7 min nəfər yaralanıb"

2020-06-01

gun az article

İrandan Azərbaycan vasitəsilə Avstriyaya 281 kq heroinin aparılmasının qarşısını alınıb- FOTO

2020-06-01

gun az article

Abbas Musavi İranın iki vətəndaşının Türkiyə tərəfindən İraqda öldürülməsi məsələsinə münasibət bildirib

2020-06-01

gun az article

İran ordusunun komandanının müavini "Sepah"ı sərt tənqid edib

2020-06-01

gun az article

İranda son 1 sutkada 81 nəfər koronavirusdan ölüb

2020-06-01

gun az article

Əhvaz və Mehrabad hava limanlarında iki təyyarə təcili eniş edib

2020-06-01

gun az article

İranın Xuzistan əyalətində qadınların boksla məşğul olması qadağan edilib

2020-06-01

gun az article

İranın Şuştər şəhərində 30-a yaxın ərəb fəalı həbs edilib

2020-05-31

gun az article

İranda daha 63 nəfər koronavirusdan ölüb, 2516 nəfər xəstəliyə tutulub

2020-05-31

gun az article

Xuzistanın 20 şəhərində koronavirusla bağlı vəziyyət böhranlıdır

2020-05-31

gun az article

İranın Yəzd şəhərində daha 2 bəhai həbs edilib

2020-05-31

gun az article

Edama məhkum edilən güney azərbaycanlı həkimin son vəziyyəti

2020-05-31

gun az article

GünazTV May.30.2020: 7 milyon 600 min iranlı Qəbiristanlıqlar ətrafında yaşayır

2020-05-30

gun az article

İranda koronavirusa yoluxan və ölənlərin sayı yenidən artıb

2020-05-30