Adil əl Cübeyr: “İran rejimi dünyada beynəlxalq terrorizmin 1-nömrəli himayədarıdır”

Adil əl Cübeyr: “İran rejimi dünyada beynəlxalq terrorizmin 1-nömrəli himayədarıdır”

GünAzTV: Səudiyyə Ərəbistanının xarici işlər naziri Adil əl Cübeyr iyulun 5-də Misir, Səudiyyə Ərəbistanı, Bəhreyn və Birləşmiş Ərəb Əmirliklərinin xarici işlər nazirlərinin Qahirədə keçirilən birgə konfransına qatılaraq ölkəsinin Qətərlə münasibətlərindən və İranın beynəlxalq terrorizmə dəstəyindən danışıb.

 

Adil Əl Cübeyr bildirib ki, rəsmi Doha regionda yürütdüyü siyasətində dəyişiklik etməyənə qədər, Ər-Riyad Qətərlə əvvəlki münasibətlərini bərpa etməyəcək: “Bizim Qətərə qarşı birgə mövqeyimiz, terrorizmdən çəkdiyimiz əziyyətlərə görədir. Ümid edirik ki, Türkiyə Qətərlə bağlı bitərəf mövqe tutacaq. Lakin İrana gəlincə, məsələ fərq edir. İran rejimi, dünyada beynəlxalq terrorizmin 1-nömrəli himayədarıdır. Bu rejim, terrorizmə dəstək verən istənilən ölkəyə yardım edir və onu dəstəkləyir. Məhz buna görə də hesab edirik ki, İran rejimi ilə əməkdaşlıq edən hər bir ölkə bu addımının mənfi tərəfini görəcək. Çünki belə bir əməkdaşlığın xeyri yoxdur.

 

İran hökuməti sanksiyalara məruz qoyulmuş bir rejimdir. İrana hakim sistem, terrorizmin əsas himayədarıdır. İranın molla rejimi beynəlxalq qanunlardan kənar bir sistem olduğuna görə dünyadan tam təcrid edilib. Elə buna görə də, onun Qətərə yaxınlaşması o qədər də təəccüb doğurmur”.

 

Qeyd edək ki, iyunun 5-də Səudiyyə Ərəbistanı, Misir, Bəhreyn və Birləşmiş Ərəb Əmirlikləri Qətərlə bütün diplomatik əlaqələrini kəsdiklərini bildiriblər. Onlar, atdıqları bu addımı, Qətərin regionun  təhlükəsizliyinə mənfi təsir edən siyasəti, İrana yaxınlaşması və ona bağlı terorrçu qruplaşmalara maddi yardım göstərməsi və beynəlxalq terrorizmə dəstəyi ilə əlaqələndiriblər. Bunun ardınca bir neçə ölkə, o cümlədən də Liviya, Yəmən Qətərlə diplomatik əlaqələrini kəsdiklərini bəyan ediblər.

 

A.M


HƏMÇİNİN OXUYUN

HƏMÇİNİN OXUYUN