Amerika İranı terrorizmi maliyyələşdirməyə sərf etdiyi milyardlarla dollardan məhrum edib

Amerika İranı terrorizmi maliyyələşdirməyə sərf etdiyi milyardlarla dollardan məhrum edib

GünAz TV: Amerika Birləşmiş Ştatlarının maliyyə nazirinin terrorizm və maliyyə məsələləri üzrə müavini Sigal Mandelker bildirib ki, rəsmi Vaşinqton İranı terrorizmi maliyyələşdirməyə sərf etdiyi milyardlarla dollar vəsaitdən məhrub edib.

 

Strateji və Beynəlxalq Tədqiqatlar Mərkəzində (CSIS) çıxış edən Mandelker qeyd edib ki, sanksiyalar İranın gəlirlərinin azalmasına ciddi təsir göstərib. Bununla da rəsmi Tehran daha əvvəlki kimi terrorizmi maliyyələşdirmək iqtidarında olmayıb.

 

“İranın rəhbərləri Həmas və Hizbullah kimi terror təşkilatları, eləcə də milyonlarla vətəndaşını qətliam edən, öz yurundan didərgin salan Bəşər Əsəd rejimi kimi diktatorları maliyyələşdirmək üçün öz millətinin pulunu oğurlayıb, onlara göndərir”- deyə Sigal Mandelker əlavə edib.

 

Amerikalı rəsmi həmçinin rejimin Əsəd diktaturasını qorumaq üçün İranda yaşayan əfqanları zorla Suriyaya göndərdiyini də vurğulayıb.

 

Mandelker sonda qeyd edib ki, Tramp administrasiyasının öz işinə başlamasından sonra İranla əlaqəli olan 2600 insan, gəmi, təyyarə və şirkətə qarşı sanksiya qəbul edilib. Bundan başqa, bu sanksiyaları pozanlara qarşı 1.3 milyard dollar cərimə kəsilib.

 

Qeyd etmək lazımdır ki, sanksiyalardan sonra İran iqtisadiyyatı iflic vəziyyətə düşüb. Ölkənin milli valyutası öz dəyərinin təqribən 70%-ni itirib, ərzaq məhsulları və xidmət sektorunda qiymətlər görünməmiş dərəcədə yüksəlib. Eləcə də, ölkə gəlirlərinin 70%-dən çoxunu təşkil edən neft ixracatı günlük təqribən 2.5 milyon bareldən 100 min barelə düşüb.

 

Ə.A


HƏMÇİNİN OXUYUN

HƏMÇİNİN OXUYUN