Amerika və Ərəb Dövlətləri Əməkdaşlıq Şurasının birgə hərbi təlimi başlayıb

Amerika və Ərəb Dövlətləri Əməkdaşlıq Şurasının birgə hərbi təlimi başlayıb

GünAz TV: Bu gün Küveytdə Amerika Birləşmiş Ştatları (ABŞ) və Körfəz Ərəb Dövlətləri Əməkdaşlıq Şurası ölkələrinin Yaxın Şərq regionunda birgə böyük hərbi təlimi start götürüb.

 

Bunu Küveyt Silahlı Qüvvələrinin Baş Qərargah rəisi Məhəmməd əl-Hader bəyan edib.

 

M. əl-Hader “Qətiyyətli qartal” kod adı altında keçirilən təlimin əsas məqsədinin Körfəz Ərəb Dövlətləri Əməkdaşlıq Şurası ölkələri və ABŞ arasında müdafiə sahəsində əməkdaşlığı möhkəmləndirmək olduğunu bildirib. APA-nın yaydığı məlumata görə, təlim aprelin 6-da başa çatacaq.

 

Hərbi təlim bir neçə mərhələni əhatə edəcək. Bura birgə operativ planlaşdırma, komanda-qərargah təlimi, Küveytdə Hərbi Hava Qüvvələrinin iştirakı ilə səhra təlimi daxildir. Təlimdə iştirak edən texnika və hərbçilərin sayı barədə hələ məlumat verilmir.

 

Qeyd edək ki, Körfəz Ərəb Dövlətləri Əməkdaşlıq Şurasına 6 ölkə – Səudiyyə Ərəbistanı, Küveyt, Bəhreyn, Oman, Birləşmiş Ərəb Əmirlikləri və Qətər daxildir.

 

N.S


HƏMÇİNİN OXUYUN

HƏMÇİNİN OXUYUN