Amerika və Türkiyə Suriyanın şimalında təhlükəsiz zona yaradılmasına dair razılığa gəlib

Amerika və Türkiyə Suriyanın şimalında təhlükəsiz zona yaradılmasına dair razılığa gəlib

GünAz TV: Türkiyə və Amerika Birləşmiş Ştatlarından (ABŞ) olan hərbçilərin Suriyanın şimalında təhlükəsiz zonanın yaradılması ilə bağlı keçirdiyi görüşlər başa çatıb. 

 

Bununla bağlı Türkiyə Müdafiə Nazirliyi məlumat yayıb. 

 

Bildirilib ki, 5-7 avqustda Türkiyə Müdafiə Nazirliyində keçirilən görüşlərin nəticəsi olaraq Suriyanın şimalında təhlükəsiz zona yaradılacaq.

 

Eyni zamanda Türkiyənin təhlükəsizliklə bağlı narahatlığının aradan qaldırılması üçün dərhal tədbirlərin görülməsi, ABŞ-la birgə təhlükəsiz zonanın idarə edilməsi üçün Türkiyədə Müştərək Hərəkat Mərkəzinin qısa müddətdə yaradılması haqda razılıq əldə olunub.

 

Hər iki tərəf təhlükəsiz zonanın barış dəhlizi olması və suriyalı qaçqınların vətənlərinə qayıtmaları üçün əlavə tədbirlərin görülməsi barədə də razılığa gəliblər.  APA

 

N.S


HƏMÇİNİN OXUYUN

HƏMÇİNİN OXUYUN