Amerikada baş verən 11 sentyabr terror aktlarından 16 il ötür – VİDEO

Amerikada baş verən 11 sentyabr terror aktlarından 16 il ötür – VİDEO

GünAz TV: 2001-ci ildə Amerika Birləşmiş Ştatlarında (ABŞ) törədilmiş 11 sentyabr terror aktlarından 16 il ötür.

 

Bazar ertəsi kişi, qadın və uşaqlar da daxil olmaqla 2977 nəfərin ölümü ilə nəticələnən faciə qurbanlarının xatirəsi anılacaq.

 

Matəm mərasimi Manhettendə terror aktları qurbanlarının xatirəsinə ucaldılmış memorialın qarşısında başlayacaq. Mərasimdə birinci bir dəqiqəlik ümumşəhər sükutu elan olunacaq. Ardınca memorial ərazisində həzin musiqi sədaları altında bütün həlak olanların adları sadalanacaq. Sükut cəmi altı dəfə olacaq, onlar hər il elan edilir.

 

2001-ci ilin 11 sentyabrında “Əl-Qaidə” terror qruplaşmasından olan 19 terrorçu 4 sərnişin təyyarəsini ələ keçirib. Onlardan ikisi Ümumdünya Ticarət Mərkəzinin qoşa binalarına, daha biri Pentaqonun binasına yönləndirilib. Digər dördüncüsü isə Vaşinqton istiqamətində yönləndirilsə də Pensilvaniya ştatının Şenksvill şəhəri yaxınlığında qəzaya uğrayıb.

 

Video:

https://www.youtube.com/watch?time_continue=531&v=D7gqBWIBUT8

 

N.S


HƏMÇİNİN OXUYUN

HƏMÇİNİN OXUYUN