Baş nazir Yıldırım Holandiyanın bayrağının endirilməsini təxribat adlandırıb

Baş nazir Yıldırım Holandiyanın bayrağının endirilməsini təxribat adlandırıb

GünAz TV: Türkiyənin baş naziri Binəli Yıldırım Hollandiya  İstanbuldakı konsulluğu üzərindəki bayrağının endirilməsinə, onun türk bayrağı ilə əvəzlənməsinə münasibət bildirib.

 

"Report" yaydığı məlumata görə, baş nazir "Habertürk" qəzetinə müsahibəsində baş verənləri pisləyib.

 

"Bunu kim, niyə, nədən edər? Bu, bir təxribatdır, bunlardan uzaq durmaq lazımdır" – deyə baş nazir vurğulayıb.

 

Qeyd edək ki, Türkiyədə nümayişçilər Hollandiyanın  İstanbuldakı konsulluğu üzərindəki bayrağı endirərək onu türk bayrağı ilə əvəzləyiblər. Aksiya iştirakçıları bu şəkildə Hollandiya hökumətinin Türkiyənin xarici işlər naziri Mövlud Çavuşoğlu, həmçinin ailə və sosial siyasət naziri Fatma Betul Sayan Kayaya qarşı sərgilədikləri münasibətə etirazlarını bildiriblər.

 

Yarım saatdan sonra polis Hollandiya bayrağını konsulluğun üzərinə geri qaytarıb.

 

Binəli Yıldırım Hollandiya ilə münasibətlərin bir müddət sonra yenidən normallaşacağına inamını ifadə edib. Baş nazir bununla yanaşı, qarşı tərəfə xəbərdarlığını da səsləndirib. "Ölkələr arasında daimi dostluq, düşmənçilik olmaz. Münasibətlər zaman-zaman gərilər, düzələr. Sonu nə olursa-olsun, Türkiyəni, milləti təhqir, cəmiyyəti narahat edəcək heç bir hərəkətə boyun əymərik, qarşılığını ən sərt şəkildə verərik" – deyə B.Yıldırım qeyd edib.

 

Baş nazir Avropa Birliyinin bir sıra ölkələrinin Türkiyədəki dəyişikliklərə müsbət yanaşmadıqlarını vurğulayaraq bu məsələdə terror təşkilatlarının da müəyyən rolu olduğunu diqqətə çatdırıb.

 

N.S


HƏMÇİNİN OXUYUN

HƏMÇİNİN OXUYUN