Dörd ölkə Qətərlə diplomatik münasibətləri kəsib

Dörd ölkə Qətərlə diplomatik münasibətləri kəsib

GünAz TV: Misir, Bəhreyn, Birləşmiş Ərəb Əmirlikləri (BƏƏ) və Səudiyyə Ərəbistanı Qətərlə diplomatik münasibətləri kəsib.

 

APA-nın RİA Novosti agentliyinə istinadən verdiyi xəbərə görə, bunu adıçəkilən ölkələrin Xarici İşlər Nazirləri (XİN) bəyan edib.

 

Misir, Bəhreyn, BƏƏ və Səudiyyə Ərəbistanı qərarlarını Qətərin apardığı siyasətin bölgədə təhlükəsizliyə mənfi təsiri, terrorizmə dəstək verməsi və İrana yaxın qruplaşmalara maddi yardım göstərməsi ilə əsaslandırıblar.

 

Eyni zamanda, Səudiyyə Ərəbistanının rəhbərliyi altında Ərəb koalisiyası Yəməndə keçirilən əməliyyatda Qətərin iştirakını dayandırıb.

 

Qətərlə digər ərəb ölkələri arasında münasibətlər bu yaxınlarda Ər-Riyadda keçirilən sammitdən sonra pisləşib. Belə ki, Qətərin dövlət xəbər agentliyi ölkə əmiri adından İranla münasibətlərin yaxşılaşdırılmasına çağırıb. Bundan sonra Qətər XİN-in rəsmi nümayəndəsi belə bir bəyanatın verilmədiyini bildirib, məlumatın dərcini  agentliyin saytının hakerlər tərəfindən sındırılması ilə izah edib.

 

N.S


HƏMÇİNİN OXUYUN

HƏMÇİNİN OXUYUN