Ərdoğan Qərbin Türkiyəyə qarşı embarqo planının nəticəsiz olacağını bəyan edib

2017-07-25 15:49

GünAz TV: “Almaniya firmalarının Türkiyə iqtisadiyyatına sərmayə qoymayacağı, ölkəmizdən çıxacağı ilə bizi təhdid edirlər. Bizi bununla qorxuda bilməzlər”.

 

APA-nın məlumatına görə, bunu bu gün hakim Ədalət və İnkişaf Partiyasının (AKP) qrup toplantısında Türkiyə prezidenti Rəcəb Tayyib Ərdoğan bildirib.

 

Ərdoğan deyib ki, alman şirkətləri on illərdir Türkiyədə fəaliyyət göstərir və gəlir qazanır: “Bu əməkdaşlıq qarşılıqlı faydaya əsaslanıb. Ancaq bizi Türkiyədən gedəcəkləri ilə təhdid edirlər. Dünyada artıq firma yox, firmalar var. Biri gedərsə, yerinə başqaları gələr. Bunlar indi Türkiyəni diqqət mərkəzinə gətirməyə çalışırlar. Bunlar əvvəl də əslində cəhd ediblər, bir nəticə qazana bilməyiblər. Almaniyanın hansısa naziri Türkiyəyə zərər verə biləcəkləri barədə danışır. FETÖ, İŞİD vasitəsi ilə, Gəzi olayları və başqa yollarla Türkiyəyə ziyan vurmağa çalışdılar, bir nəticə əldə edə bilmədilər. İndi də PKK terror təşkilatının Suriya qolu PYD/YPG, yəni adını Suriya Demokratik Gücləri qoyduqları terror təşkilatına ümid bəsləyirlər. Ancaq buna da çox həvəslənməsinlər”.

 

Ərdoğan nəzərə çatdırıb ki, Türkiyədə heç bir Almaniya şirkəti ilə bağlı təhqiqat, araşdırma aparılmır: “Gəlib birgə araşdırma aparmağa da dəvət etdim. Almaniya şirkətlərinə qarşı heç bir addım atılmayıb. Türkiyəyə sərmayə axını davam edir. Müdafiə sənayesinə gəlincə, Türkiyə bu sahədə böyük uğurlar əldə edib. Bir neçə əsas məsələ ilə bağlı da nəticə əldə edəndən sonra Türkiyənin bu sahədə heç kimə ehtiyacı olmayacaq”.

 

Amerika Birləşmiş Ştatları (ABŞ) Silahlı Qüvvələrindəki bəzi komandanların Türkiyənin Rusiyadan S-400 hava hücumundan müdafiə sistemləri almasından narahatlıq keçirməsinin anlaşılmaz olduğunu söyləyən Türkiyə prezidenti NATO üzvü olan Yunanıstanın illərdir S-300 havahücumundan müdafiə sistemlərindən istifadə etdiyini xatırladıb: “İnşallah, S-400-ləri ölkəmizdə görəcəyik və ortaq istehsalını da həyata keçirəcəyik. Bir məqamı da qeyd edim. Türkiyədə fövqəladə vəziyyətin müddətinin uzadılmasından niyə narahat olurlar? ABŞ-da ayrıca ştatlar fövqəladə vəziyyət elan edir. Biz terror təhdidi ilə əlaqədar fövqəladə vəziyyət elan etmişik, niyə narahat olursunuz? Türkiyəni embarqo ilə qorxudacaqlarını düşünürlərsə, yanılırlar. Türkiyə sadəcə Türkiyə deyil. Türkiyənin arxasında Avropadan Asiyaya, dünyada hər yerdə bir dəstək var. Türkiyə ilə təhdid dilində danışmayın, bununla heç nəyə nail ola bilməzsiniz. Düşünürlər ki, Türkiyəni bir küncə sıxaraq, hər hansı istəklərinə nail olacaqlar. Yanılırlar. Biz qarşılıqlı faydalı əməkdaşlığa hazırıq. Yetər ki, qarşımızdakılar da o məntiqlə hərəkət etsin”.

 

Türkiyə prezidenti ölkədəki suriyalı qaçqınlarla bağlı ictimaiyyətdə məqsədli mənfi rəy yaradılmasına çalışıldığını bildirib: “Statistika göstərir ki, suriyalılar daha az cinayət törədirlər. Ancaq suriyalılar barədə Türkiyə cəmiyyətində mənfi rəy yaratmağa çalışırlar və bunun arxasında hansı qüvvələrin olduğu da bizə məlumdur. 15 iyul hərbi çevriliş cəhdinin qarşısını almışıq, bunlar bizim üçün çox xırda şeylərdir. Biz ilk növbədə özümüzü, partiyamızı yeniləməliyik. Son günlər “cihad”, “cihad” deyildiyi eşidilir. Cihad silahla deyil, ilk növbədə nəfislə mübarizə aparmaqdır. İnanıram ki, nəfisimizlə apardığımız mübarizə ilə yenidən özümüzü təzələyəcəyik, xalqımızın dəstəyini heç vaxt itirməyəcəyik. Nə zaman “status-kvo”nu qorumağa çalışacağıq, deməli, o zaman yolun sonuna gəlmişik. Hər zaman yenidən mübarizə ruhunda olmalıyıq. Yalnız bu halda 2019-da istədiyimiz nəticəni əldə edəcəyik. AKP-nin uğuru Türkiyənin uğuru olacaq. Yenilənmə prosesini aparmalıyıq. Bunun üçün qurultaya hazırlıq prosesini başlatmışıq. AKP-nin hansı yerli təşkilatları bizim ideyalarımız, davamız uğrunda mübarizə aparmırlarsa, bizə ziyan verirlər. Biz buna yol verə bilmərik. 2019-cu il bir qırılma nöqtəsidir. Parlament seçkilərini qazanmaq bizim üçün asan məsələdir. 2019-cu ildə prezident seçkilərində 50+1 səs almalıyıq. Bunun məsuliyyəti də böyükdür, ölkə üçün daha çox xidmət etməliyik”.

 

N.S

 

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Türkiyə XİN rəhbəri Azərbaycana təşəkkür edib

2021-08-05

gun az article

Ermənistanın baş naziri Tehrana səfər edib

2021-08-05

gun az article

Tanınmış hüquq müdafiəçisindən Enrike Moraya etiraz- "İran xalqı bu hərəkəti heç vaxt unutmayacaq"

2021-08-05

gun az article

Beyrutda İran əleyhinə aksiya keçirilib 

2021-08-05

gun az article

Ukraynanın keçmiş baş naziri vəfat edib

2021-08-05

gun az article

İranda 5 ticarət gəmisi yandı

2021-08-05

gun az article

Ağsuda dağlıq ərazidə başlayan yanğın meşəliklərə yaxınlaşır

2021-08-05

gun az article

Mikayıl Cabbarov: "Altı ayda aktiv vergi ödəyicilərinin sayı 3,9% artıb"

2021-08-05

gun az article

Quru Qoşunları Komandanlığının bir neçə hərbi obyekti istifadəyə verilib-VİDEO

2021-08-05

gun az article

Bayden Ermənistan və Azərbaycanı danışıqlara çağırdı

2021-08-05

gun az article

"Yanğın söndürülənə qədər Türkiyədə qalacağıq" - Cavid Qəhrəmanov

2021-08-05

gun az article

Azərbaycanın amfibiya təyyarəsi Türkiyəyə yola salınıb-VİDEO

2021-08-05

gun az article

ABŞ-da miqrantları daşıyan avtobus aşıb, 11 nəfər ölüb, 12 nəfər yaralanıb

2021-08-05

gun az article

Mövlud Çavuşoğlu: “Cənab İlham Əliyevin təlimatı əsasında sabah Azərbaycandan Türkiyəyə yeni heyət gələcək”

2021-08-04

gun az article

Türkiyədə yanğına görə daha bir nəfər həbs edildi

2021-08-04

gun az article

Azərbaycanda 996 nəfər koronavirusa yoluxub, 5 nəfər ölüb

2021-08-04

gun az article

Suriyada Əsəd hərbçilərinin avtobusu partlayıb, ölən və yaralananlar var

2021-08-04

gun az article

İran tərəfindən qaçırıldığı iddia olunan gəmi BƏƏ sahillərində sərbəst buraxılıb

2021-08-04

gun az article

Gürcüstanda koronavirusun dördüncü dalğası pik həddə çatıb

2021-08-04

gun az article

Azərbaycan və Yaponiya XİN başçıları telefonla danışdı

2021-08-04