“FireEye” İran, Rusiya və Çinin Almaniyaya qarşı kiber hücum təşkil etmə ehtimalı ilə bağlı xəbərdarlıq edib

“FireEye” İran, Rusiya və Çinin Almaniyaya qarşı kiber hücum təşkil etmə ehtimalı ilə bağlı xəbərdarlıq edib

GünAz TV: “FireEye” kiber təhlükəsizlik şirkəti İran, Rusiya və Çinin Almaniyaya qarşı kiber hücum təşkil edəcəyi barədə xəbərdarlıq yayıb. Şirkət bundan öncə də rəsmi Tehranı Yaxın Şərqdə fəaliyyət göstərən şirkətlərə qarşı kiber hücum həyata keçirməkdə ittiham etmişdi.

 

Şirkət bəyan edib ki, 2020-ci il Münhen Təhlükəsizlik Konfransı münasibətilə apardığı təhlil bunu deməyə əsas verir. Belə ki, araşdırmalar göstərib ki, Almaniya Avropa və dünya səviyyəsində daşıdığı iqtisadi və siyasi əhəmiyyətə görə, Rusiya, İran və Çin dövlətlərinin dəstəklədiyi hakerlər üçün kiber hücum həyata keçirmək sahəsində cazibəli ölkədir.

 

“FireEye”ın mütəxəssislərinin fikirlərinə əsasən, hər 3 ölkənin hakerləri hücumlarla Almaniyanın siyasi, iqtisadi və hərbi məlumatlarını oğurlamağa çalışırlar. Şirkət son aylar ərzində qlobal səviyyədə gərginliyin artması səbəbindən İranın kiber hücum sahəsində daha da aktivləşdiyini deyir. Mərkəzi ofisi Amerikanın Kaliforniya ştatında yerləşən “FireEye” Qərb təsisatları və həssas infrastruktura qarşı yönələn bu fəaliyyətlərin Almaniyaya qarşı baş tutma ehtimalının da mövcud olduğunu deyir.

 

Şirkət "APT28", "Sandworm" və "Turla" adlı İran və Rusiyaya məxsus haker qruplaşmalarını müvafiq olaraq nisbətən daha güclü təhdidlər adlandırmaqla, onların məqsədinin Almaniyada ictimai rəyi öz mənafelərinə uyğun dəyişmək olduğunu bəyan edib.

 

“FireEye” bundan öncə də İranın hakerlərinin müxtəlif bölgələrdə təxribatçı kiber fəaliyyətlər göstərdikləri barədə dəfələrlə hesabat yayıb.

 

Ə.A


HƏMÇİNİN OXUYUN

HƏMÇİNİN OXUYUN