Həmas İranın Qəzzada tikdiyi binaların açılış mərasimini keçirib

2019-01-24

GünAz TV: Fransa xəbər agentliyinin məlumatına görə, Həmasın İsrail tərəfindən həbs edilmiş məhkumlarla iş üzrə naziri yanvarın 17-də azad edilmiş bir neçə fələstinliyə İranın ayırdığı pul ilə tikilən binalarda mənzillərin təqdim edilmə mərasiminin keçirildiyini deyib.

 

Həmasın rəsmisi həmçinin İranın ayırdığı pul vasitəsi ilə digər tikinti layihələrin icra ediləcəyini də bildirib. İlkin mərhələdə 125 nəfər arasından püşk atma yolu ilə seçilən bir neçə azad olunmuş fələstinliyə Qəzza Zolağının cənub hissəsində tikilmiş binada 26 mənzil təqdim edilib.

 

İsrail həbsxanalarında saxlanan fələstinli məhkumların əksəriyyəti beynəlxalq ictimaiyyət tərəfindən terrorist qruplaşmalar kimi tanınan Fələstin qruplaşmalarının üzvləridir və onların İsrail vətəndaşlarının ölümündə əlləri var. İsrail dəfələrlə bəyan edib ki, azad edilən fələstinlilər yenə də müxtəlif qruplaşmalardakı fəaliyyətlərinə geri dönürlər və əvvəlkindən də radikal olurlar.

 

Rəsmi Tehranın Həmas kimi digər qruplaşmalara köməyi uzun illər əvvəl başlayıb. Bu əlaqələrin qısa tarixinə nəzər salsaq görərik ki, 2006-cı ildə Tehranda “3-cü Beynəlxalq Qüds Konfransı və Fələstin xalqının hüquqlarının müdafiəsi” adlı tədbirdə o dövr İran xarici işlər naziri olan Mənüçöhr Mottəki ölkəsinin Həmasa 50 milyon dollar yardım ayırdığını elan etmişdi.

 

2006-cı ildə Həmasın tanınmış simalarından olan İsmail Həniyə Tehrana etdiyi səfərdən sonra İranın qruplaşmaya 250 milyon dollar yardım ayırdığını demişdi.

 

2011-ci ildə “Viki- Liks”in sızdırdığı sənədlərdə İranın aylıq olaraq Həmasa 25 milyon dollar pul verdiyi qeyd edilirdi.

 

2016-cı ildə İranın Livandakı səfiri Məhəmməd Fəthəli ölkəsinin “Fələstin azadlıq hərəkatı”nın hər bir “şəhid”inə 7 min dollar pul vermək barədə qərar qəbul etdiyini bəyan etmişdi.

 

Həmas qruplaşması və digər silahlı birləşmələr İranın ayırdığı bu pulları həbsdən azad edilmiş fələstinliləri öz sıralarına daxil etmək üçün istifadə edirlər.

 

Həmasın İran tərəfindən Qəzza Zolağında keçmiş məhkumlara ev tikilməsi ilə bağlı xəbəri fələstinli rəsmilərin Tehrana etdiyi səfərdən cəmi 1 ay sonra bəyan edilir. Xatırladaq ki, 2007-ci ildən Qəzza Zolağında hakimiyyəti ələ almış Həmas qruplaşmasının keçmiş xarici işlər naziri Mahmud Əzzəhar təqribən 1 ay öncə Tehrana səfər edərək, burada İran XİN-in rəhbəri Məhəmməd Cavad Zərif də daxil olmaqla, bəzi rəsmilərlə görüşlər keçirmişdi.

 

Bundan əlavə, 2 həftə öncə isə “Fələstin İslami Cihad Təşkilatı”nın nümayəndə heyəti də Tehrana səfər edərək, burada “dini lider” Əli Xamneyi başda olmaqla, bir çox rəsmilərlə görüşlər keçirmişdi. Fələstinli heyətlə görüşən İran hüquq-mühafizə qüvvələrinin komandanı Hüseyn Əştəri başçılıq etdiyi qurumun Fələstində fəaliyyət göstərən qruplaşmalara hərbi təlimlər keçməyə hazır olduğunu bildirmişdi.

 

Qeyd edək ki, İranın bir çox bölgələrində əhalinin həyat şəraiti minumum standartlara belə cavab vermədiyi halda, rəsmi Tehran digər ölkələrdə terrorçu fəaliyyətləri dəstəkləmək və öz geostrateji maraqlarını təmin etmək üçün öz əhalisinin yaşayış səviyyəsini yaxşılaşdırmaq əvəzinə, terror təşkilatlarına milyardlarla dollar vəsait ayırır. Xüsusilə də hazırda Amerikanın İrana qarşı sanksiyaları yenidən tətbiq etməsindən sonra ölkədə iqtisadi vəziyyət kəskin olaraq ağırlaşıb, bir çox müəssisələr bağlanıb, bəzi iş yerlərində və ölkənin bir çox bölgələrində əmək haqlarının verilməməsinə və aşağı həyat şəraitlərinə görə insanlar etiraz aksiyaları keçirirlər.

 

Bundan başqa, bu həftə İranın yeni Yol və Şəhərsalma naziri “Fars” xəbər agentliyinə bildirmişdi ki, ölkənin evsiz olan təbəqəsi aylıq gəlirlərinin 80%-ni ev icarəsinə ödəyirlər: “Bizim xalqımızın bu təbəqəsinin qəti istəyi mənzildir, onlar mənzil istəyir”- deyə o, əlavə etmişdi.

 

Xatırladaq ki, Həmas Amerika və Avropa tərəfindən rəsmi olaraq terrorist qruplaşma kimi tanınır.

 

Ə.A

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Post | Gunaz article social
فرید سرهنگی

2020-05-28

صفویان که بیشتر از ترک بودنشان به شیعه بودنشان می بالیدند برای این که در مقابل امپراطوری عثمانی قد علم کنند به مرثیه سرایی به سبک شاعران شعوبیه فارس ها مانند فردوسی پرداختند واز همین رو پان ایرانیسم(پان فارسیسم)در ایران خراب شده به وجود آمد. قابل توجه جناب احمد اوبالی که از صفویان ترک هایی قهرمان ساخته!

Şərh Yaz
gun az article

GünazTV May.30.2020: 7 milyon 600 min iranlı Qəbiristanlıqlar ətrafında yaşayır

2020-05-30

gun az article

İranda koronavirusa yoluxan və ölənlərin sayı yenidən artıb

2020-05-30

gun az article

İran rejiminin təhlükəsizlik qüvvələri noyabr etirazlarında öldürdükləri Puya Bəxtiyarinin qəbrini təhqir ediblər

2020-05-30

gun az article

İranda bütün məscidlər açılıb, "mall"lara qoyulan qadağalar aradan qaldırılıb

2020-05-30

gun az article

Ağ Evdən Xamneyinin statuslarına reaksiya: "Twitterin terroristlər və diktatorların mesajları ilə problemi yoxdur"

2020-05-29

gun az article

İran işğalçı Ermənistan rejimi ilə ticari əlaqələri daha da genişləndirir

2020-05-29

gun az article

İlam əyalətində koronavirusa yoluxanların sayı 961 nəfərə çatıb

2020-05-29

gun az article

Küveyt Amerikadan 84 ədəd Patriot raketi alır

2020-05-29

gun az article

GünazTV May.29.2020: İçməli su böhranı və müharibədən daha çətin olan vəziyyət

2020-05-29

gun az article

İranın 4-cü tankeri Venesuelaya çatıb

2020-05-29

gun az article

İranda daha 50 nəfər koronavirusdan ölüb, 2819 nəfər isə xəstəliyə yoluxub

2020-05-29

gun az article

İranın Dehdəşt şəhərində zəlzələ baş verib

2020-05-29

gun az article

İran parlamentinin keçmiş spikeri Əli Laricani iki yeni posta təyin edilib

2020-05-29

gun az article

İranla Hindistan arasında ticari dövriyyə əhəmiyyətli dərəcədə azalıb

2020-05-29

gun az article

Sərdəştdə baş verən silahlı qarşıdurmada milliyyətcə azərbaycanlı olan 3 sərhədçi həlak olub (Xəbər yenilənib)

2020-05-29

gun az article

Tehranda “yasaq” olunmuş kitabları satan 11 nəfər həbs edilib

2020-05-28

gun az article

Loristanda koronavirusa yoluxanların sayı 3998 nəfərə çatıb

2020-05-28

gun az article

Türkiyənin İrandan qaz alışı əhəmiyyətli dərəcədə azalıb

2020-05-28

gun az article

İranda son sutka ərzində daha 63 nəfər koronavirusdan ölüb

2020-05-28

gun az article

Amerika İranın iki nüvə rəsmisinə qarşı sanksiya qəbul edib

2020-05-28