İran ordusu hava qüvvələrinin komandanı: “Səbirsizliklə İsraili yer üzündən silib məhv etməyə hazırıq”

İran ordusu hava qüvvələrinin komandanı: “Səbirsizliklə İsraili yer üzündən silib məhv etməyə hazırıq”

GünAzTV: İran ordusu hava qüvvələrinin komandanı Əziz Nəsirzadə yanvarın 21-də jurnalistlərə açıqlamasında islam respublikasının İsraili məhv etməyə hazırlığından danışıb.

 

Nəsirzadənin açıqlaması, İsrail qırıcılarının “Sepah”ın “Qüds” qanadının Suriyadakı hərbi mövqelərinə hava zərbələri endirməsindən bir gün sonraya təsadüf edib.

 

O bildirib ki, İran hava qüvvələrində çalışan gənclər, İsrailin məhvi ilə bağlı verilən vədin gerçəkləşdirilməsi günü gözləyir və bunun üçün lazım olan bilgiləri öyrənib mənimsəməklə məşğuldur: “Biz, səbirsizliklə İsraili yer üzündən silib məhv etməyə hazırıq. Bizim hava qüvvələrində xidmət edən gənclərimiz, özlərinin var gücü ilə sionist rejiminə qarşı savaşa və onu yer üzündən silməyə hazırdır.

 

Daha doğrusu, bizim nəslimiz və bizdən gənc olan nəsil İsrailə qarşı  bu savaşı başlatmağa tam hazırdır”.

 

Xatırladaq ki, yanvarin 20-si və 21-də İsrail qırıcıları Suriyada “Sepah”ın “Qüds” qanadının hərbi mövqelərinə yenidən hava zərbələri endirib.  Bu barədə, İsrail ordusu bəyanat yayıb.

 

Bəyanatda bildirilir ki, Suriyadan İsrailin nəzarətində olan Qolan yüksəkliklərinə bir raket buraxılmasına cavab olaraq,  İsrail qırıcıları “Sepah”ın “Qüds” qanadının, eləcə də Livan “Hizbullah”ının Suriyadakı hərbi mövqelərini raket atəşinə tutub. Hava hücumlarında, “Sepah” və “Hizbullah” ın  Dəməşqin ətrafında yerləşən silah anbarlarına çoxlu sayda raket zərbələri endirilib.

 

 Qeyd edək ki, son aylar İsrail qırıcıları, “Sepah”ın Dəməşq və Suriyanın digər bölgələrindəki hərbi mövqelərini və onların silah anbarlarını onlarca dəfə bombardman edib. Hava hücumları nəticəsində onlarla “Sepah” muzdlusu məhv edilib.

 

 

A.M


HƏMÇİNİN OXUYUN

HƏMÇİNİN OXUYUN