İran rəsmisi: “İraq Kürdistanı məsələsi həll olunmasa, bu problem bölgədə onillərlə sürəcək bir qarşıdurmanın başlanğıcı olacaq”

İran rəsmisi: “İraq Kürdistanı məsələsi həll olunmasa, bu problem bölgədə onillərlə sürəcək bir qarşıdurmanın başlanğıcı olacaq”

GünAzTV: Oktyabrın 5-də İran Silahlı Qüvvələrinin Baş Qərargah rəisi Məhəmmədhüseyn Baqiri Suriyada həlak olmuş “Sepah” komandiri Hüseyn Həmədaninin ölümünün 2-ci ildönümü münasibətilə Tehranda keçirilmiş bir toplantıda çıxış edərək İraq Kürdistanında keçirilmiş müstəqillik referendumundan danışıb.

 

Baqiri deyib ki, İraq kürdlərinin müstəqillik yolu ilə əldə etmək istədiyi hüquqların hamısı hazırda onlarda  var: “Görəsən İraqın şimalında yaşayan kürdlər hazırda məhrum edildikləri hansı hüquqlarını müstəqil olmaqla əldə etmək istəyirlər. Doğma ana yurdlarına yiyələnərək öz sərhədləri daxilində hakimiyyətlərini qurmaq istəyirlər. Artıq bu onlarda var. Öz ordularının olmasını istəyirlər. Bu da onlarda var. Varlanmaq istəyirlər. Buna da çatıblar. Onların pulu, İraq xalqının hamısının pulundan çoxdur. Beləliklə də göründüyü kimi, onların istədiklərinin hamısı onlarda var. Onların hər şeyi var.

 

Lakin bütün bunlara baxmayaraq bu gün kürd xalqının düşmənləri plan quraraq İraq Kürdistanında referendum məsələsini ortaya atırlar. Bununla da onlar kürd əhalisinin hissiyyatı ilə oynayaraq onları səsvermə sandıqlarının başına çəkib aparır, sonra isə beynəlxalq müşahədəçilər və hər hansı bir nəzarət olamadan səsvermə keçirir, axırda isə deyirlər ki, referenduma qatılanların 94 fazinə yaxını müstəqilliyin lehinə səs verib. Bu isə bölgədə hər-mərcliyə səbəb olur.

 

Aydın məsələdir ki, bu oyun, kürd xalqının düşmənləri sayılan sionist rejimi və cinayətkar Amerika tərəfindən hazırlanmış bir plandır. Məhz bunları nəzərə alaraq hesab edirik ki, İraq Kürdistanı məsələsi tezliklə həll olunmasa, bu problem, bölgədə onillərlə sürücək bir qarşıdurmanın başlanğıcı olacaq”.

 

Xatırladaq ki, sentyabrın 25-də İraq Kürdistan Muxtariyyətində müstəqilliklə bağlı referendum keçirilib və səsverməyə qatılanların 92 faizindən çoxu müstəqilliyin lehinə səs verib. 

 

A.M


HƏMÇİNİN OXUYUN

HƏMÇİNİN OXUYUN