İran rəsmisi: “İslam respublikasında gənclər arasında cinsi əlaqəyə girmə yaşı cavanlaşaraq 13-14 yaşa enib”

İran rəsmisi: “İslam respublikasında gənclər arasında cinsi əlaqəyə girmə yaşı cavanlaşaraq 13-14 yaşa enib”

GünazTV: İranın QİÇS Araşdırmalar Mərkəzinin rəhbəri Minu Mohrəz fevralın 17-də jurnalistlərə açıqlamasında ölkədə qız və oğlanlar arasında geniş vüsət alan erkən cinsi münasibətdən və QİÇS (AİDS) xəstəliyinin yayılmasından danışıb.

 

O deyib ki, İran İslam Respublikasında gənclər arasında ilk cinsi əlaqəyə girmə yaşı cavanlaşaraq 13-14 yaşa enib: “Hazırda ölkədə QİÇS-ə yoluxmuş 60 min xəstəmiz var. Bu rəqəm dünyada 30 milyon nəfərdir. Xəstəliyə yoluxmanın əsas yolları isə təhlükəsiz cinsi əlaqəyə girmək, narkomanların müştərək iynələrdən istifadə etməsi və xəstəliyin hamilə anadan bətnində daşıyan uşağına keçməsidir.

 

Bu gün ölkədə cinsi təmas yolu ilə QİÇS-ə yoluxan xəstələrin sayının gündən-günə artması ciddi nigaranlığa səbəb olub. QİÇS daşıyıcısı olan 15-16 yaşlarında olan gənclərin tez-tez bizə müraciət etməsi də buna bir sübutdur. Təəssüflər olsun ki, aparılan araşdırmaların nəticələri göstərir ki, hazırda ölkədə qız və oğlanlar arasında cinsi əlaqəyə girmə yaşı cavanlaşaraq 13-14 yaşa enib.

 

Heç kəs uşaqlara və yeniyetmələrə cinsi əlaqəyə girmə yollarını öyrətmək niyyətində deyil. Lakin düşünürəm ki, ən azından onlara təhlükəsiz cinsi təmasın nə olduğunu öyrətməliyik. Yazıqlar olsun ki, nə valideynlər, nə də məktəblər bu mövzularda uşaqlara və yeniyetmələrə məlumat vermirlər. Məhz həmin səbəbə görə də, uşaqlar bu kimi məsələlər barədə internetə müraciət edir, məlumatlarını oradan əldə edirlər.

 

Hazırda yeniyetmələr arasında cəmiyyət dəyərlərinə zidd rəftar və hərəkətlər baş alıb gedir və onların bir qismi də peyk vasitələri ilə ölkəyə yayılan Kolumbiya və Türkiyə seriallarının təsiri altına düşərək onlardan nümunə götürürlər” -deyə, İranın QİÇS Araşdırmalar Mərkəzinin rəhbəri Mina Mohrəz jurnalistlərə verdiyi açıqlamasında bəyan edib.

 

 

A.M


HƏMÇİNİN OXUYUN

HƏMÇİNİN OXUYUN