İran rəsmisi: “Ölkədə “İnstaqram”a süzgəc qoyulmasına qərar verilib”

İran rəsmisi: “Ölkədə “İnstaqram”a süzgəc qoyulmasına qərar verilib”

GünAzTV: İran baş prokurorluğunun virtual aləm işləri üzrə müavini Cavad Cavidnia yanvarın 2-də jurnalistlərə açıqlamasında ölkədə “İnstaqram”ın məhdudlaşdırıla biləcəyindən danışıb.

 

Cavidniya bildirib ki, “İnstaqram” şəbəkəsinə süzgəc qoyulması üçün Məhkəmə Sisteminin qərarı var: “Ölkədə virtual aləm üzrə ali şuranın əksər üzvləri hesab edirlər ki, bu şəbəkə xidmətinə süzgəc qoyulmalıdır və bu barədə artıq hökm də çıxarılıb. Bundan əvvəl, “İnstaqram”a bir dəfə süzgəc qoyuldu və Əhmədinejad hökuməti də vəd etdi ki, ağıllı süzgəcin yardımı ilə bu şəbəkənin fəaliyyətini nəzarətdə saxlayacaq. Lakin təəssüflər olsun ki, bu işə çoxlu miqdarda vəsait ayrılsa da, bu sahədə aparılan cəhdlər nəticə vermədi.

 

Baxmayaraq ki, İran Məhkəmə Sistemi “İnstaqram”ın fəaliyyətini dərhal dayandıra bilər, lakin biz qəti qərarın verilməsi zamanına qədər bu barədə müxtəlif fikirləri öyrənir, bu barədə yekun nəticəyə gəlinməsini gözləyirik. Lakin bu iş uzansa, hesab edirəm ki, İranın baş prokuroru bu barədə lazımi qərarı verəcək”.

 

 

Qeyd edək ki, son iki ildə İran Məhkəmə Sisteminin, polis və “Sepah”ın “İnstaqram”da modeling və rəqs işi ilə məşğul olan gənc qadın istifadəçilərinə qarşı təhdid və təzyiqi gücləndirilib. İranda “İnstaqram” istifadəçilərinin əksəriyyətini gənc qızlar və qadınlar təşkil edir. Onlar, həmin şəbəkədə rəqs təlimləri keçir, şəxsi həyatlarından çəkilmiş hicabsız və bəzən aıq-saçıq şəkillərini paylaşır, kişi və qadınların birgə qatıldığı qonaqlıqlarda isə alkoqollu içkilərin qəbul edilməsi ilə bağlı səhnələri paylaşırlar.

 

 

 

 

A.M


HƏMÇİNİN OXUYUN

HƏMÇİNİN OXUYUN